POP 5

Lajmet më të lexuara të 5 minutave të fundit

Kronikë

Përgjimet: SHISH, MB, MM 
negociuan me Hacking Team

Kompania italiane, HackingTeam, e cila është e specializuar në shërbimin e përgjimeve elektronike ka kontaktuar edhe Shërbimin Informativ Shqiptar dhe Ministrinë e Mbrojtjes e atë të Brendshme për t’i ofruar shërbimet e saj. Por pas pothuajse 2 vitesh kontakte autoritetet shqiptare nuk kanë marrë shërbimet e ofruara.​Para disa ditësh siguria e HackingTeam u thye dhe shumë emaile të sigurisë së HackingTeam janë bërë publikë nga Wikileaks.Shqiptarja.com ka siguruar edhe emailet e shkëmbyera mes HackingTeam dhe autoriteteve shqiptare
Kompania italiane, HackingTeam, e cila është e specializuar në shërbimin e përgjimeve elektronike ka kontaktuar edhe Shërbimin Informativ Shqiptar dhe Ministrinë e Mbrojtjes e atë të Brendshme për t’i ofruar shërbimet e saj. Por pas pothuajse 2 vitesh kontakte autoritetet shqiptare nuk kanë marrë shërbimet e ofruara.

Para disa ditësh siguria e HackingTeam u thye dhe shumë emaile të sigurisë së HackingTeam janë bërë publikë nga Wikileaks.
 
Shqiptarja.com ka siguruar edhe emailet e shkëmbyera mes HackingTeam dhe autoriteteve shqiptare, ku kontakti i parë i vendosur mes HackingTeam dhe SHISH sipas e-maileve të poseduara nga Wikileaks është bërë më 21 tetor 2013, ndërsa emaili i fundit i shkëmbyer rezulton më 08 maj 2015.
 

Ka qenë pikërisht Emad Shehata, përfaqësuesi i kompanisë italiane që ka krijuar edhe kontaktet e para me institucionet shqiptare. Sipas emaileve të siguruara nga A1 Report, Shehata ka lidhur kontakte me 3 burime në Shqipëri me qëllim prezantimin e shitjen e programit të përgjimit, të cilët janë Altin Hoxha, Ermal Dauti dhe Ergys Ligaçi.
 
Në kontaktin e parë ai i ka dërguar nga një email Altin Hoxhës më 21 tetor dhe (po atij i ka dërguar edhe emailin e fundit më 8 maj 2013)  një ditë më pas Ermal Dautit ku u shpjegon funksionalitetet e programit dhe Emailet edhe pse në orare të ndryshme mbajnë të njëjtën datë.

emaili altinit
(Emaili i parë dërguar punonjësit të SHISH, Altin Hoxha. I njëjti email i është dërguar Ermal Dautit)
 
Po në të njëjtën ditë Shehata ka shkëmbyer disa emaile me Marco Bettinin ku i shpjegon këtij të fundit se ka kontakte për programin e përgjimit në Shqipëri.
 
Ndërkohë që Shehat 6 ditë më vonë ka kontaktuar sërish me Altin Hoxhën ku i bën me dije se do të vinte në Shqipëri më datat 11-15 nëntor 2013. 

Është e paqartë nëse përfaqësuesit e Hacking Team kanë ardhur në Tiranë në muajin nëntor 2013. 
 
Por nga email-et dallohet se kanë rezervuar 2 udhëtime për në Tiranë më 23-24 janar 2014 dhe 17-18-19 shkurt 2014.

vizita
 
Në udhëtimin e fundit përfaqësuesit e Hacking Team kanë mbërritur në Tiranë për të prezantuar programin nga italianet Emad Shehata dhe Stefania Iannelli, ku sipas email-eve do të zhvillojnë takime me Ministren e Mbrojtjes, Mimi Kodheli dhe me Ministrin e Brendshëm, por në email duket qartë se është bërë një lapsus duke vendosur emrin e Presidentit Bujar Nishani.

email

Pjesë e shkëmbimeve të emaileve është bërë edhe Ergys Ligaçi, i cili i shpjegon se Shehatës se data 23 Janar  2014 nuk është e përshtatshme për zhvillimin e takimit, duke shtuar se kontaktin e tij ia dha Altin Hoxha.
 
Por nga ajo se çfarë mund të dallohet në email është edhe adresa e këtij të fundit @shish.gov.al, ku duket qartë se është punonjës i SHISH.

1
(Emaili i fundit i shkëmbyer mes palëve i bërë publik nga Wikileaks)

HackingTeam furnizuese me programe përgjimi e softuere të regjimeve diktatoriale
Kompania me qendër në Milano është dënuar nga ekspertë të sigurisë dhe organizatat jofitimprurëse për rolin e saj në furnizimin me softwareve dhe shërbime përgjimi regjimeve represive autoritare si në Sudan, Egjipti, Etiopie dhe disa agjenci amerikane. Para disa ditësh siguria e saj u thye dhe shumë emaile të sigurisë së HackingTeam janë bërë publikë nga Wikileaks.

Çfarë është Remote Control System Galileo
Sipas dokumenteve të bëra publike nga Wikileaks kontaktet e para kanë nisur  në vitin 2013, ndërkohë që përfaqësuesit e HackingTeam kanë ardhur edhe në Tiranë gjatë vitit 2014 për të prezantuar programin e quajtur Remote Control System Galileo i cili është projektuar për të sulmuar, infektuar dhe monitoruar një numër tepër të madh kompjuterash dhe smartfonësh vjedhurazi.
 
Ai i lejon përdoruesit që të mbledhë fshehurazi të dhëna nga të gjitha sistemet operative të përdorura si Windows XP, Vista, Windows 7 dhe 8, Mac OS dhe linuks.
 
Në lidhje me smartphon­ët ai mund të monitorojë dhe përgjojë IPhone­t, Symbian që përdor Nokia, Blackberry, Adroid –ët dhe telefonat Windows 8. Pasi objektivi është infektuar nga ky program, Remote System Control Galileo lejon hyrjen në aparat dhe marrjen e informacioneve të shumllojshme.
 
Këtu përfshihen të dhënat dhe komunikimet nga Skype, Facebook, Twitter, WhatsApp, Viber, Line etj. Programi përgjon gjithashtu në të gjitha gjuhët e tastierave kompjuterike apo të telefonave, zbulon vendndodhjen e tyre, u kopjon fotografitë, mikrofonat, pra bisedat dhe kamerat. Në mënyrë të padukshme ky program arrin të depërtojë edhe sistemet e mbrojtëse më të njohura.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54