POP 5

Lajmet më të lexuara të 5 minutave të fundit

Arkiva

Përgjimet, Siguria Amerikane ka
përgjuar 70 mln telefonata në Francë

Agjencia amerikane për sigurinë kombëtare NSA, ka përgjuar masivisht 70 milionë komunikacione telefonike të qytetarëve francezë në një muaj.
Agjencia amerikane për sigurinë kombëtare NSA, ka përgjuar masivisht 70 milionë komunikacione telefonike të qytetarëve francezë në një muaj. Pas publikimit të këtij lajmi nga gazeta franceze `Le Monde`, e cila ka cituar dokumente të ish konsulentit të Agjencisë amerikane Edëard Snowden, kanë reaguar edhe autoritetet franceze. 

Ministri i jashtëm francez Laurent Fabius, i impenjuar në një mbledhje të Bashkimit Europian, në Luksemburg, paraditen e të hënës ka kontaktuar menjëherë me ambasadorin amerikan në Paris, Charles Rivkin, për të biseduar rreth këtij fakti.  Gjithashtu edhe ministri i brendshëm Manuel Valls, ka reaguar, duke u shprehur se është i shokuar nga kjo ngjarje dhe se autoritetet franceze, në orët në vazhdim, do të kërkojnë shpjegime tek autoritetet amerikane. 

E përditshmja "Le Monde", duke cituar dokumentet e ish konsulentit Edëard Snowden, që i referohen një periudhe 30 ditore nga 10 dhjetori 2012 deri më 8 janar 2013 Agjencia Amerikane për Sigurinë Kombëtare, ka bërë 70.3 milionë regjistrime të telefonatave të kryera nga qytetarët francezë. 

Dokumentet që disponon e përditshmja franceze, paraqesin shpjegime të mjaftueshme, ku tregohet se objektivat e Agjencisë Amerikane, ishin personat e dyshuar për terrorizëm dhe gjithashtu edhe pjesëtarë të botës së biznesit, të politikës dhe të administratës franceze. 

Një nga dokumentet më të konsultuar nga e përditshmja franceze, tregon se nga 8 shkurti, deri më 8 mars të vitit 2013-të Agjencia Amerikane Nsa, ka mbledhur 124,8 miliardë të dhëna, në përgjime telefonike në të gjithë botën dhe 97,1 miliardë të dhëna të tipit dixhital. 

Disa nga këto të dhëna kanë të bëjnë me zona ku zhvillohej lufta, si Afganistani, si edhe në vende të tjera si Rusia, Kina. Gjithashtu edhe shtete si Franca, Gjermania dhe Britania e Madhe, që janë nga vendet më të përgjuar në botë.


(v.gj/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55