Përhapja e varianteve të reja COVID, Italia ashpërson masat kufizuese në disa rajone

Foto ilustruese

Rritja e të infektuarve në Itali, ka detyruar qeverinë e vendit fqinj që të ndërmarrë masa të reja antiCOVID. Ditën e sotme, autoritetet italiane njoftuan kufizime të reja në disa nga rajonet e vendit si përpjekje për të frenuar përhapjen e mëtejshme të COVID.

Ky vendim i autoriteteve italiane vjen në kohën kur shkencëtarët paralajmëruan se variantet e reja të COVID-19, janë duke u përhapur në shtetin fqinj. Italia i ka kategorizuar rajonet me ngjyra (e bardhë, e verdhë, portokalli dhe e kuqe) dhe masat vendosen në përputhje me nivelin e infektimit.

Që nga muaji janar, dy rajonet Basilicata dhe Molise janë futur në zonën e kuqe. Kafenetë dhe restorantet do të mbyllen dhe do të ketë kufizim të lëvizjes dhe do të lejohet që të punojnë vetëm dyqanet me gjëra thelbësore.

Ndërkaq, në Lombardi dhe Piedmont dhe Marche po ashtu janë ashpërsuar masat, duke u përfshirë në zonën portokalli. Në këto dy rajone, qytetarët nuk do të lejohen që të largohen nga qytetet e tyre, përveç në raste emergjente, për punë apo për arsye shëndetësore.

Qeveria tha se masat e reja në këto pesë rajone do të hyjnë në fuqi të hënën. Gjatë kësaj jave, autoritetet shëndetësore italiane kanë njoftuar se ka pasur rritje prej 35 për qind të rasteve të reja, krahasuar me një javë më parë.

E.M./Shqiptarja.com
  • Sondazhi i ditës:

    A është i pranueshëm për ju përdorimi i të dhënave personale nga një parti politike?

Komento

Komente

  • Ermal: 27/02/2021 17:08

    Gjithe shqiptaret tani do vijn ketu, edhe do ta sjellin me vete virusin e italis, sic u be edhe vjet, qe nga italia u fut virusi ne shqiperi

    Përgjigju
    • Kasa: 27/02/2021 19:29

      Po e verteta eshte 310mij tampone ne itali jane 15mije pozitiv 3 mije tampone ne shqiperi 1500 pozitiv me thuaj ku eshte me keq ok



×

Lajmi i fundit

John

Përmbyllet procedura, hapet rruga për zbatimin e projektit 'Ndërtimi i linjës 400 kV Shqipëri-Maqedoni e Veriut'