POP 5

Lajmet më të lexuara të 5 minutave të fundit

Sociale

Perimet mbeten në sera, grumbulluesit fiksojnë çmimet! Fermeri nga Dimali: Kastravecat shiten me 100 lek/kg! Qeveria të luajë rolin e rregullatorit

Zambak Çela nga Kutallia e Dimalit është ndër prodhuesit e mëdhenj të perimeve në sera. Bashkë me dy djemtë punojnë prej vitesh, rrisin prodhimin por jo fitimet, ndaj për të larë borxhet 3 muaj në vit detyrohen të punojnë në Greqi.  Pikat e grumbullimit fiksojnë çmimet në treg, ndaj kërkon nga qeveria të luajë rolin e rregullatorit.

Me 8 dynym sera, Zambak Çela është ndër prodhuesit kryesor të perimeve e zarzavateve në Dimal. Punon bashkë me dy djemtë por nuk nxjerr fitime. Kostoja, tregon ai është rritur që nga çmimi i naftës e deri tek pesticidet.

“Kam 4 dynym sallator dhe 4 domate. Ky prodhim ka kosto, por nuk mund ta shes më shumë se 100 lek/kg”, tha Çela.

Çela shpreh shqetësim se tregtarët e shumicës, që kanë pikat e grumbullimit kërkojnë të blejnë kastravecin me 100-150 lek për kg, ç’ka nuk justifkon as shpenzimet e jo më mundin e gjithë familjes.

“Kjo është skandaloze! Grumbulluesi thotë sille dhe po u shit malli do marrësh lek, po nuk u shit asgjë. Po unë çfarë të bëj se kam harxhuar 4 milionë me këtë serë”, tha Çela.

Zambak Çela tregon se është bashkë me djemtë janë të detyruar të bëjnë punë sezonale në Greqi për të larë borxhet e serave në Shqipëri.

“Do iki me njërin djalë në Greqi për të larë borxhet që kam marr në dyqane për plehrat kimikë”, shton ai.

Apeli i tij shkon për qeverinë, e cila duhet të luajë rolin e rregullarit në treg dhe të ndalë abuzimin e grumbulluesve me çmimet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • cufi: 03/11/2022 11:23

    duhet krijuar nje magazine e madhe ne divjake,,qe te grumbulloje fruta-perime,,nga e gjithe zona dhe te kete mundesi te eksportoje ne poloni..ukraine,,rusi..serbi..ceki..gjermani,,,austri..etj...shteti duhet te nxjerre ne eksport prodhimin...po ashtu shteti te ule cmimit e urese...

    Përgjigju
  • Loni: 02/11/2022 22:17

    Do fitoje me shume grumbulluesi sesa prodhuesi!

    Përgjigju
  • Lui: 02/11/2022 21:52

    Qe keni te drejte ju fermeret e shkrete, kjo as nuk diskutohet. Dhe qe fitimi duhet te jete 2 me 1 duhet te jete padiskutim. Dmth 2 per fermerin apo fshatarin, dhe 1 per tregetarin. Vetem keshtu stimulohet prodhimi vendas. Por qe te realizohet kjo, e vetmja menyre eshte qe ju si fermere duhet te fiskalizoheni. Dmth duhet te leshoni nje fature zyrtare se ndryshe as shteti dhe askush nuk ju mbron dot. Sepse qe te kapi ate tregetarin shteti dhe t'i terheqi veshin, duhet te bazohet ne nje dokument qe ne kete rast eshte fatura. Dmth nese kosto e 1 kg trangull del 100, ju duhet ta shisni 300 me fature, tregetari duhet ta shese 400 me fature. Dhe nese e shet me shtrenjte shteti ka nje dokument ku bazohet abuzimi.

    Përgjigju
    • Lala: 02/11/2022 23:10

      Ke te drejt .mir e thua Po kujt ja this.FSHATARIT e me ket i vihet kapak.injoranca sjell kete gje

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58