Përjetimet si gjyshe dhe sekreti i formave perfekte, Antonela Lena rrëfehet për ‘Një nga ne’: Mbaj regjim strikt dhe bëj palestër prej 10 vitesh

Në një moshë të re, Antonela Lena provoi ndjesitë më të bukura të jetës, të qenit nënë e dy fëmijëve dhe më pas gjyshe në moshën 40 vjeçare. Ende pa mbledhur në dhomë lodrat e të birit, u bekua me një mbesë. Niki është pika e saj e dobët.

“Kur erdhi Niki në jetë ka qenë një mrekulli. Shikoja çdo hap të saj, çdo fjalë të saj dhe çdo zhvillim të saj si një mrekulli të Zotit”, rrëfen Antonela.

Tashmë në moshën 55 vjeçare ka më shumë kohë për t’u marrë me veten. Është një nga gjyshet më simpatike dhe më të kuruara në Gjirokastër.

Ushtrohet çdo ditë në palestër ndërsa regjimi ushqimor që ndjek, jo kushdo do kishte vullnetin ta mbante.

“Nuk konsumoj mëngjes. Kam një vit që ndjek një program që quhet fasting dhe ushqehem nga ora 16:00-20:00. Ky program konsiston në eliminimin e toksinave të trupit dhe unë e kam ndjerë këtë sepse ndihem e lehtë në organizëm”, tregon ndër të tjera.

Ka punuar në sektorin publik dhe atë privat dhe gjithnjë ka qenë kërkuese për tu rritur profesionalisht por edhe për të kontribuar në komunitet. Ka krijuar një lulishte të vogël pranë punës dhe është dhuruese e gjakut prej 15 vitesh.

Historinë e jetës, sekretin e marrëdhënies 40 vjeçare dhe ditën e saj nga mëngjesi deri në darkë i prezanton në emisionin “Një nga ne”.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Shfrytëzuan 10-vjeçarin për të përfituar nga klikimet në TikTok, lihen në burg babai dhe gjyshja në Berat

Shfrytëzuan 10-vjeçarin për të përfituar nga klikimet në TikTok, lihen në burg babai dhe gjyshja në Berat