POP 5

Lajmet më të lexuara të 5 minutave të fundit

Sociale

Elbasan/ Përkujtohet ‘Dëshmori i Atdheut’ Oltjon Sulovari! E ëma: Djalin ma vranë bandat e Sali Berishës

Është përkujtuar në Elbasan “Dëshmori i Atdheut” Oljton Sulovari. Ai kreu një gjest heroik në vitin e mbrapshtë 1998, kur u vendos në ndihmë të policisë për të arrestuar kriminelët. Në ceremoni nëna e tij tha se të birin e vranë bandat e Sali Berishës.

Më 27 tetor të vitit 1998 u vra në urën e Mifolit, Oltjon Sulovari. Një i ri nga Elbasani që ndihmoi forcat e policisë por u qëllua për vdekje nga banda kriminale.

Në vitin 2003 Oltjon Sulovari është shpallur “Dëshmor i Atdheut”. 

Sot pas 25 vitesh, nëna e tij, Lumturi Sulovari e kujton me dhimbje e lot në sy ngjarjen e kobshme.

“Ishim të gjithë në greqi, kur e morëm vesh nga televizori. Erdhem me shpresën se do e gjenim gjallë, por nuk mbijetoi. (qan) Bandat e Sali Berishës poshtë urës. Ndërhyrja e Shpejtë e Vlorës me djalin u vunë në ndjekje të bandave por e qëlluan. Djali nuk ishte polic, erdhi nga Greqia dy javë me leje, dhe atë ditë shkonte në Vlorë për punët e tia. E ndalon policia dhe i lutet që të hipin në makinën e tij. Ai ndihmoi policinë për të kapur bandat dhe u vra”

Ceremonia përkujtimore në nder të dëshmorit të atdheut, Oljton Sulovari u zhvillua në varrezat e dëshmorëve në qytetin e Elbasanit, ku u vendosen kurora më lule.

Më tej ceremonia vazhdoi në universitetin Aleksandër Xhuvani ku referoi, drejtori i Policisë së Elbasanit dhe Kryetarja e Shoqatës së Dëshmorëve.

Në vitin 1998, kur vendi ishte nën pushtetin e bandave policët u sulmuan nga dy persona të maskuar.  Të ndodhur pa makinë, ata ndaluan në rrugë Oltjon Sulovarin që udhëtonte nga Elbasani në Vlorë. 24-vjecari pranon të marrë në makinën e tij policët dhe vihet në ndjekje të banditëve, por mbetet pajete nga bershëria e plumbave.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03