TIRANE- Tre familje janë përplasur mbrëmjen e sotme me Përmbarimin dhe Policinë në rrugën “Kongresi i Manastirit” në kryeqytet, pranë shkollës “Çajupi”. Prej 30 vitesh këto familje jetojnë në një godinë e cila më parë ka qenë çerdhe, por që tashmë i ka dalë pronari i cili kërkon t’i rikthehet prona. Por banorët nga ana e tyre thonë se këtë pronë e kanë me hipotekë nga viti 1984, ndërsa shtojnë se janë në proces gjyqësor me Entin e Banesave.
 
Jetojmë prej më shumë se 30 vitesh në këto banesa. Nuk dalim të gjallë nga shtëpia, kemi të gjitha dokumentet. Pronat i kemi me hipotekë nga viti 1984, dhe jemi në proces gjyqësor me Entin e Banesave. I bëjmë thirrje qeverisë që të na ndihmojmë, jemi pa shtëpi”, thonë banorët.