Një aksident me pasojë vdekjen e një person ka ndodhur mëngjesin e sotëm në Elbasan. Ngjarja e rëndë është shënuar në fshatin Selitë, Njësia Administrative Molla, ku ka mbetur viktimë shtetasi B. M., 57 vjeç, banues në fshatin Mollas.

Policia bën me dije se viktima ka qenë duke drejtuar mjetin e tij traktor, pa targa, me karroceri të ngarkuar me dru zjarri, kur mjeti ka dalë nga rruga dhe është përmbysur, në vendin e quajtur ‘Kodra e Madhe’. Nga informacionet policore, 57-vjeçari ka gjetur vdekjen e menjëhershme. 

d.c./shqiptarja.com