Në prag të sfidës së shumëpritur mes Juventusit dhe Atletico Madrid, për mediat ka folur ai që sonte pritet të bëjë diferencën, Cristiano Ronaldo. Në një intervistë për ‘DAZN’, ‘ylli’ portugez fillimisht është shprehur kështu sa i përket mundësive për të përmbysur humbjen 2-0 të pesuar në ndeshjen e parë:
“Ka për të qenë një ndeshje e vështirë, Atletico ka luajtuar 2 finale në katër vitet e fundit dhe shpejt apo vonë ata do e fitojnë trofeun. Ne e dimë që ka për të qenë e vështirë, por nëqoftëse luajmë mirë e kalojmë Atletico-n.”
Për futbollin në Itali: “Jam i lumtur në Itali, luaj në kampionat kompeditiv. E ndjej se jam përshtatur dhe bilancet janë pozitive. Nuk e prisja të ishte një kampionat kaq kualitativ. Është një realitet ndryshe për familjen time, një gjuhë dhe kulturë ndryshe. Jetoj larg shtëpisë që kur isha 11 vjeç dhe nuk kam probleme.”