Përmbytje masive në Slloveni, 3 persona humbin jetën! Begaj telefonatë me homologen: Lutjet tona shkojnë për ju shkojnë për popullin tuaj

Presidentja e Kosovës, Vjosa Osmani i ka shprehur ngushëllimet homologen e saj sllovene, Natasa Pirc Musar, për viktimat që shkaktuan përmbytjet në Slloveni.  Osmani tha se Kosova është e gatshme që ta ndihmojë Slloveninë për të kapërcyer këtë situatë të vështirë.

“Ngushëllime të sinqerta Presidentes Musar dhe popullit të Sllovenisë për viktimat dhe dëmet e shkaktuara nga përmbytjet dhe rrëshqitjet vdekjeprurëse të dheut. Kosova është e gatshme të ndihmojë miqtë dhe aleatët tanë sllovenë për të kapërcyer këto kohë zemërthyese”, ka shkruar Osmani në Twitter.

Kësaj gatishmërie të Kosovës i është përgjigjur presidentja sllovene, e cila rishpërndau postimin e Osmanit.

“Faleminderit, zonja Presidente”, shkroi ajo.

Presidenti Bajram Begaj ka zhvilluar një bisedë telefonike me Presidenten e Sllovenisë Pirc Musar, pas përmbytjeve ku tre persona kanë humbur jetën.

Presidenti Begaj i shprehu asaj solidaritetin e përzemërt për popullin e Sllovenisë të prekur nga përmbytjet katastrofike për shkak të motit të keq këtë fundjavë.

“Mendimet dhe lutjet tona janë me ta gjatë kësaj kohe të vështirë, në veçanti me familjet që humbën të dashurit e tyre. Uroj për një shërim të shpejtë të të lënduarve dhe vënien në kontroll sa më shpejtë të situatës” - u shpreh Presidenti Begaj.

Begaj shkruan se lutjet janë me popullin slloven në këtë moment të vështirë.

Kryeministri në detyrë i Malit të Zi, Dritan Abazoviç ka njoftuar se Qeveria malazeze i ka ofruar ndihmë Sllovenisë pas reshjeve dhe vërshimeve që ndodhën atje, të cilat shkaktuan dëme të mëdha.

“Ne jemi në kontakt me kolegët e kabinetit të kryeministrit të Sllovenisë Robert Golob dhe jemi në dispozicion për të gjithë ndihmën e disponueshme për miqtë tanë”, ka shkruar Abazoviç në Tëitter.

Po ashtu, kreu i ekzekutivit malazez i ka shprehur ngushëllime familjarëve të viktimave, që humbën jetën si pasojë e këtyre fatkeqësive natyrore.

Si pasojë e këtyre reshjeve, fatkeqësisht kanë humbur jetë tre persona.