Përmbytjet në Vlorë, tërhiqet uji nga lagjet por garazhet e pallateve janë plot, sot pritet ndërhyrja! Dredha: Kemi bërë strategji të qartë

Tirane- Në qytetin e Vlorës, i cili u përmbyt pasditen e 4 tetorit 2024 uji ka ikur nga lagjet, ndërsa problematikë mbeten garazhet ku dhjetëra makina janë të përmbytura. Edhe në rrugën ‘Albano e Romina’ një nga lagjet më të dëmtuara të qytetit, e tek kisha Ortodokse uji u largua në orët e vona të mbrëmjes së 5 tetorit, ndërkohë bashkia ka bërë planin për të ndërhyrë në garazhet e pallateve.

“Problematikë mbeten garazhet e pallatave. Kemi bërë një strategji të qartë si do të operojmë për garazhet e pallateve. Janë 9 në total garazhe pallatet që do të ndërhyjmë” tha kryetari I bashkisë së Vlorës Ermal Dredha në një prononcim për median në orën 22:30 të mbrëmjes së të shtunës, 6 tetor.

Do të ndërhyhet dhe në lagjen ‘Kushtrimi’ por këtu problematika është e vështirë.

 ‘Problematika është më e madhe se është zonë informale” tha ai.

Faza tjetër do të jetë dalja në terren për të takuar familjet dhe bizneset që janë dëmtuar. Kryebashkiaku premtoi kompensim

“Do të jemi të bashkërenduar duke takuar çdo qytetar për të treguar gjithë hallkat që do të ndjekin nëse do të ketë trajtim financiar dhe jo vetëm. Njerëzit të jenë të qetë se aq sa kemi ne në dorë do të bëjmë maksimumin tonë për ti ndihmuar të kthehen në normalitet. Duke pasur dhe trajtimin financiar që i takon”

Ende nuk ka një bilanc të saktë të dëmeve që shkaktuan jo më shumë se 3 orë shi të pasdites së 5 tetorit shoqëruar dhe me shpërthimin e kanalit të ujrave të larta.

“Ju kërkojmë ndjesë që nuk mund të menaxhonim më shpejt se kaq. Por sic e patë dhe vetë ishte përtej mundësive njerëzore, pasi ishin gati 180 mln shi në second që kanë rënë për dy orë e gjysmë. Ne do të jemi në gadishmëri” tha Dredha.

Dje drejtuesi i politik i PS në Vlorë Bledi Çuçi i cili shkoi në Vlorë nuk dha përgjigje se kush janë përgjegjësit për mospastrimin e kolektorëve por tha se do të nisë një verifikimin për të gjetur se çfarë çedoi. 

Mësimet që morëm, sidomos në zonat informale, ku ka munguar urbanizimi, kryetari i bashkisë do aprovojë ndërhyrjet, për të pastruar sidomos ato ndërtimet pa leje mbi kolektorë që janë çmenduri dhe që duhet të marrin fund përfundimisht', theksoi dje Çuçi.

Hidrovori ka qenë në punë me kapacitet të plotë por është vënë theksi tek nevoja për investime të reja. Edhe stacionet e pompave që tërheqin ujin ishin të amortizuara pa investime ndër vite.

Ende nuk është bërë një bilanc i dëmeve që u shkaktuan nga përmbytjet ndërkohë që 33 familje, me 55 persona u evakuuan dhe u strehuan në konvikt. U përmbyt dhe zona historike dhe xhamia e qytetit.

Rendit zhvillimet sipas orarit:

Të Fundit Të Parat

S.G/r.k./Shqiptarja.com

TAG:
• Ermal Dredha
• permbytjet ne vlore