1768082648_permbytje.JPG

Për vitin 2026 qeveria ka parashikuar një fond prej 2.8 miliardë lekësh për mbrojtjen civile dhe parandalimin e fatkeqësive, me qëllim rritjen e sigurisë përballë fatkeqësive natyrore dhe forcimin e masave parandaluese.

Kjo është bërë me dije nga kryeministri Edi Rama, përmes një postimi në rrjetet sociale, 1 miliardë lekë do të jepen në formën e transfertës së kushtëzuar për Emergjencat Civile, nga të cilat 500 milionë lekë do të përdoren për kompensimin e qytetarëve të prekur nga fatkeqësitë natyrore, ndërsa 500 milionë lekë të tjera do të shkojnë për investime.

Po ashtu, sipas Kryeministrit, qeveria ka planifikuar 1.5 miliardë lekë për financimin e projekteve që synojnë parandalimin e fatkeqësive natyrore, si dhe 300 milionë lekë të dedikuara për projekte në digat dhe rezervuarët.

“Fondet e parashikuara për mbrojtjen civile synojnë rritjen e sigurisë përballë fatkeqësive natyrore, garantimin e kompensimit për qytetarët e prekur, si dhe forcimin e masave parandaluese për reduktimin e rreziqeve në të ardhmen”, theksoi Rama.

S.B/Shqiptarja.com
  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera