Përmbytjet/ Yuri Kim takon shefin e Shtabit të Ushtrisë: SHBA, e gatshme të ofrojë mbështetjen e nevojshme

Shtetet e Bashkuara të Amerikës janë gati të ndihmojnë Shqipërinë për situatën e vështirë të krijuar nga përmbytjet në vend. Ambasadorja Yuri Kim e shprehur gatishmërinë e vendit që përfaqëson në një takim me Gjeneral Brigade Arben Kingji, takim i cili u zhvillua për herë të parë në cilësinë e Shefit të Shtabit të Ushtrisë.

“Ata diskutuan gjithashtu përgjigjen ndaj përmbytjeve shkatërruese në veri, me gjeneralin Kingji që shprehu vlerësimin për kontributin e SHBA në trajnime, pajisje (përfshirë automjetet e urgjencës dhe gomone) dhe furnizime të tjera, dhe ambasadoren Kim që përsëriti gatishmërinë e SHBA për të ofruar mbështetjen e nevojshme”, njofton ambasada e SHBA-ve në facebook.

LEXO EDHE:
Moti i keq në Durrës, ndalohet lundrimi mjeteve të vogla të peshkimit

Takimi i Kim dhe gjeneralit Kingji u zhvilluar për të diskutuar për forcimin e marrëdhëniet në fushën e mbrojtjes mes Shteteve të Bashkuara dhe Shqipërisë. Ata ranë dakord të rrisin bashkëpunimin në vazhdim të stërvitjes historike Defender Europe 2021 dhe në përgatitje për stërvitjet e ardhshme Defender Europe 2023.

Të dy diskutuan ndikimin pozitiv të selisë së Komandës së Forcave Operacionale Speciale të SHBA (SOCEUR) në Shqipëri dhe aktivitetet e Brigadës së Forcave të Sigurisë dhe të Ndihmës së Ushtrisë së SHBA (SFAB).

Lajmi kryesor:

Moti i keq/ Përmirësohet situata në Lezhë e Shkodër! Mbi 4 mijë hektarë tokë e qindra banesa nën ujë! Janë evakuuar 318 banorë (Video)

K.T./Shqiptarja.com

TAG:
• moti i keq
• permbytje
• reshje shiu