Sali Berisha me sa duket është bërë xheloz që po hapen fjalë vetëm për burgosjen e Ilir Metës. Për t’ia bërë më të fortë ndjesinë se ata janë të dy të rrezikuar nga burgu dhe se ndaj tyre ka një komplot ndërkombëtar, ai nuk duroi dot dhe dje në mbrëmje, 24 orë pasi po debatohej për letrën e Adriatik Llallës, ai shpiku një lajm tjetër. Këtë radhë për ta bërë të plotë “tablonë sinoptike” të armiqve të tyre, ai përfshiu ambasadoren Vlahutin, e cila paskësh kërkuar arrestimin e tij. Dhe këtë e ilustroi dhe me një “diplomat digital”, i cili i kishte treguar se ambasadorja kishte dyshimet se Berisha e përgjonte në zyrë.
E gjitha kjo është vazhdimi i përpjekjes për ta shantazhuar Ilir Metën dhe për ta mbajtur të lidhur fort në paranoja, fatin e tij me opozitën, dhe për ta rreshtuar në një front kundër diplomatëve të SHBA dhe BE në Shqipëri.
Ajo që opozita duket se ka nevojë, është të ndjehet viktimë e një shantazhi Perëndimor për “peshq të mëdhenj” në Shqipëri, dhe përmes kësaj linje viktimizimi, të mbajë të lidhur LSI me PD, në zgjedhjet që po afrohen.
Edhe pse nuk ka ndonjë pasiguri se LSI mund të iki nga aleanca me PD, frika nga pazaret e rritura para zgjedhjeve dhe paqëndrueshmëria politike e tyre, janë një arsye e fortë që të forcojnë paranojën, se ata i pret një fat i përbashkët, dhe shumë i keq.
Në të vërtetë, nuk do ishte gabim të arrestohej secili prej politikanëve të rëndësishëm të Shqipërisë këto 25 vjet. Kudo që të vësh dorën, nuk bën ndonjë gabim të madh. Problemi është se nuk ka ndonjë plan për arrestime, përveçse një projekti për të reformuar sistemin e drejtësisë dhe për të trimëruar drejtësinë të trokasë në dyert e politikës së lartë.
Dhe Berisha, Meta e kushdo tjetër, e di këtë. Beteja e tyre kundër reformës në drejtësi, nuk ka të bëjë me frikën nga drejtësia shqiptare, por me ndikimin që kanë siguruar Perëndimorët në strukturat e drejtësisë dhe për këtë këtë janë nisur të ngrejnë një paranojë të re kundër tyre.
Ajo që është shpikur në letrën e Adriatik Llallës dhe që natyrisht është hetuar nga SHBA si e pavërtetë, tani po vazhdohet prej Berishës për Brukselin, për të kompletuar dhe gjeografikisht dhe politikisht linjën e viktimizimit të tyre nga Perëndimi.
Edhe pse është diçka e sajuar prej Berishës, i cili kërkon të duket viktimë e Perëndimit, ajo në fakt po zgjon një shpresë të rremë në shoqëri dhe po besohet më shumë nga kundërshtarët e Berishës, se sa nga mbështetësit e tij. Berisha mendon se shqiptarët mërziten nëse ai arrestohet, por në fakt mund të ndodhë e kundërta.
Kështu që përpjekja për të sulmuar Perëndimin përmes viktimizimit të tyre, nuk vlen. Ky sulm vlen vetëm për të bërë bashkë Sali Berishën e Ilir Metën kundër Perëndimit.
Duke dashur të njehsojë Metën me luftën e ndyrë politike kundër Perëndimit, Berisha po tenton ta fusë atë në një spirale pa kthim, të përpjekjes për t’i rezistuar reformës në drejtësi dhe sidomos nuklit Perëndimor brenda saj.
Kjo është lëvizja e vetme më e strukturuar politike kundër fyrmës Perëndimore në Shqipëri, duke tentuar ta paraqesin Perëndimin, si “gjuetar shtrigash” në Shqipëri dhe sistemin e ri të drejtësisë, një mekanizëm spastrimi politik në duart e tyre. Për më tepër tani në prag të hapjes së negociatave, kjo frymë është e vetmja lëvizje anti-Perëndimore në Shqipëri.
Letra e Adriatik Llallës drejtuar Departamentit të Shtetit, dhe deklarata e djeshme e Berishës kundër ambasadores Vlahutin, janë koncentrat i kësaj lëvizjeje. Shqipëria do të hyjë në histori, si vendi që ka pasur një Prokuror të Përgjithshëm që i kërkon llogari ambasadorit amerikan, pse nuk ka bërë sa duhet në luftën kundër drogës, ndërkohë që vetë paguhej për atë punë. Është po ashtu historike që ky vend ka pasur një Kryeministër dhe President, i cili ka shpenzuar një jetë të tërë politike, për çerek shekulli, duke arrestuar kundërshtarë, duke vrarë qytetarë që protestojnë dhe duke përgjuar shqiptarët, dhe tani akuzon Perëndimin se kërkon ta arrestojë.
Janë përpjekje për të prodhuar një “faj” të Perëndimit në Shqipëri, i cili u duhet si një arsye për të qenë të bashkuar kundër tij. Ndoshta ngaqë e dinë se çfarë kanë bërë!
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
