‘Benzi’ përplas të rinjtë që po shtynin makinën në aksin Sarandë-Ksamil! Vdes 15-vjeçari, tjetri në spital

Sarande - Një aksident i rëndë ka ndodhur mbrëmjen e sotme, 8 shkurt, në rrugën Sarandë-Ksamil, ku një 15-vjeçar ka humbur jetën. Policia bën me dije se një makinë tip “Benz” që drejtohej nga një 20 vjeçar, është përplasur me një makinë tip “Lancia”, i cili si pasojë e një difekti, po shtyhej nga drejtuesi 24 vjeçar, dhe 3 shtetas të tjerë.

Si pasojë e përplasjes, njëri prej 3 shtetasve, që po ndihmonin drejtuesin e automjetit “Lancia”, konkretisht shtetasi i mitur E. Ç., 15 vjeç, së bashku me drejtuesin shtetasin D. Ç, janë dëmtuar dhe u ndërguan në spital. Fatkeqësisht, 15-vjeçari E.Çaushi nuk u mbijetoi dot plagëve. 

Drejtuesi i automjetit tip “Benz”, është shoqëruar në Komisariatin e Sarandës, për veprime të mëtejshme. Në vendngjarje ndodhet grupi hetimor dhe po kryen veprimet në lidhje me sqarimin e plotë të rrethanave të aksidentit.

Drejtuesi i makinës Benz është identifikuar si E.A 20 vjeç 

Drejtuesi i makinës Lancia, është identifikuar si D.Ç, 24 vjeç 

 

M.Q./SI.E./Shqiptarja.com

TAG:
• sarande
• Vlore
• aksident me vdekje