TIRANE - Një aksident rrugor është shënuar pasditen e sotme në Vorë, ku për pasojë një person ka humbur jetën, ndërsa një tjetër ka mbetur i plagosur.
 
Mësohet se dy automjete janë përplasur me njëri-tjetrin, dhe për pasojë ka ka humbur jetën rrugës për në spital, drejtuesi i njërit prej automjeteve, Arti Dedej.
 
Ndërkohë burime për televizionin  A1 Report, konfirmojnë se personi tjetër i mbetur i plagosur në aksident është jashtë rrezikut për jetën.
 
Deri më tani nuk dihen ende shkaqet e aksidentit. Në vendin e ngjarjes ka mbërritur policia e cila ka nisur punën për zbardhjen e plotë të ngjarjes.

Redaksia Online
(e.c/shqiptarja.com)