Përplasja me Ballën dhe Kodhelin, neni 18 që detyroi Majkon të largohet nga Kuvendi

Ndër ligjet e miratuara sot nga Kuvendi i Shqipërisë ishte edhe ai për diasporën, që mori 74 votat e shumicës, përkatësisht nga PS dhe PDIU, ndërkohë që opozita mungoi në seancë.

Por një incident i brendshëm duket se është shënuar në radhët e shumicës.

Ministri i Diasporës Pandeli Majko, kishte mbështetur propozimin e deputetit Adnor Shahmeti lidhur me një ndryshim në nenin 18 të ligjit, por ky ndryshim është kundërshtuar nga kolegët e Majkos, Taulant Balla dhe Mimi Kodheli, të cilët deklaruan se kërkesa për ndryshimin nuk ishte paraqitur brenda afateve ligjore.

LEXO EDHE:
Filloi punimet 'Forumi Ndërparlamentar i Evropës Juglindore të Asamblesë Parlamentare të OSBE-së' 

Pas miratimit të ligjit pa ndryshimin që ishte mbështetur nga ministri për Diasporën, Pandeli Majko është ngritur dhe është larguar në mënyrë demonstrative nga salla, jo pak i mërzitur.

Neni 18 i ligjit që mbeti në fuqi

Këshilli Koordinues i Diasporës 1. Këshilli Koordinues i Diasporës (Këshilli) përfaqëson dhe koordinon marrëdhëniet me diasporën.

2. Këshilli ka këto kompetenca:

a) Identifikon problemet e diasporës, propozon veprime për zgjidhjen e tyre, përcakton linja orientuese për hartimin e strategjisë për diasporën;

b) Miraton rregulla procedurale për përmbushjen e veprimtarisë së tij dhe procedurën e vendimmarrjes.

3. Përgjegjësitë profesionale, të përdorimit të fondeve dhe ato administrative, për Këshillin do të ushtrohen nga Agjencia Kombëtare e Diasporës.

4. Agjencia Kombëtare e Diasporës kryen funksionet e sekretariatit teknik.

Liligji për diasporën i miratuar sot në Kuvend, dokumenti i plotë 

TAG:
• kuvendi
• pandeli majko

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  72.3%

• Nuk e di

  8.7%

Vota total: 2272

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di