POP 5

Lajmet më të lexuara të 5 minutave të fundit

Politikë

Përplasjet me Lelin, drejtuesi socialist në Vlorë përcjell mesazhin e parë: Konfliktet përjashtojnë ata që i iniciojnë! Qëndrimi i PS ndaj bashkisë s'do ndryshojë

Zv. kryeministri Arben Ahmetaj ka dhënë mesazhin e tij të parë pasi është prezantuar sot si i deleguari politik i PS për qarkun e Vlorës

Zv. kryeministri Arben Ahmetaj ka dhënë mesazhin e tij të parë pasi është prezantuar sot si i deleguari politik i PS për qarkun e Vlorës.

I pyetur për përplasjet që kanë vijuar mes kryebashkiakut Dritan Leli dhe kryeministrit Edi Rama që nga zgjedhjet e 25 prillit, Ahmetaj tha se në PS nuk ka konflikte por debate. Megjithatë ai nënvizoi se konfliktet përjashtojnë ata që i iniciojnë dhe ky u duk si një mesazh i qartë për Lelin. Ndërkaq nënvizoi se qëndrimi i PS dhe kryeministrit ndaj bashkisë nuk ka ndryshuar dhe as nuk do të ndryshojë.

“PS nuk ka konflikte ka debate. Konfliktet përjashtojnë le të themi ata që i iniciojnë. Politika jonë, politika e PS dhe e kryeministrit nuk ka ndryshuar në raport me bashkinë e Vlorës dhe nuk do të ndryshojë. Kemi rrugë për të bërë së bashku. Të gjitha pyetjet që bëtë do marrin përgjigjie në vazhdim. Investimet e Vlorës do vazhdojnë të jenë në atë rrugë”, tha Ahmetaj.

Në këtë takim ishte i pranishëm edhe Sekretari i ri i përgjithshëm i Partisë Socialiste, Damian Gjiknuri deputete të tjerë të qarkut të Vlorës dhe kryetarët e bashkive, por është vënë re mungesa e kryebashkiakut Leli.

Rendit zhvillimet sipas orarit:
Ora 21:18
Mbledhja e PS në Vlorë,  Afrim Qëndro lë postin e zv/kryetarit të Bashkisë në Vlorë, zhvendoset në Elbasan me Gjiknurin

Damian Gjiknuri i ka dorëzuar stafetën Arben Ahmetaj ditën e sotme si drejtues politik i PS për qarkun e Vlorës. Gjatë mbledhjes ku janë deleguar detyrat dhe mesazhet për socialistët, është dhënë edhe njoftimi i largimit të Afrim Qëndros si zv/kryetarit të Bashkisë në Vlorë.

Afrim Qëndro ka deklaruar se do largohet nga Bashkia e Vlorës dhe do të angazhohet në funksione politike e partiake në Tiranë. Sot është bërë njoftimi, ndërsa nesër pritet që të jepet zyrtarisht dorëheqja.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53