Rreth një muaj më parë Katy Perry dhe anëtari i grupit “One Direction”, Niall Horan me shaka deklaruan se ishin fejuar vetëm pak ditë pas takimit të tyre në Japoni.

Duket se pas shakasë një miqësi e ngushtë ka nisur mes tyre, pasi ata janë fotografuar duke u takuar për një darkë në Nju Jork.

Ata kanë hyrë të ndarë nga njëri-tjetrin brenda në restorant mbrëmjen e djeshme.

Katye ishte përshtatur ndaj të ftohtit dhe u shfaq e veshur me një pallto dhe një palë çizme në ngjyrë kafe.

Ajo gjithashtu kishte vënë në kokë një kapuç në ngjyrë blu.

katy perry

Niall u shfaq “casual” me një palë xhinse, një bluzë dhe një xhaketë gri.

Pas darkës me këngëtaren ai ndaloi duke bërë fotografi me fansat të cilët e prisnin jashtë restorantit.

Një muaj më parë Niall postoi një foto së bashku me Perry-n në diçiturën e së cilës shkruante:- “Ajo tha po. Jam shumë i lumtur!Haha”.

Pavarësisht këtyre ata duket se gëzojnë një miqësi të mirë me njëri-tjetrin.

(Blerta Tusha/shqiptarja.com)