Shpesh më duket sikur Partia Demokratike, nuk ka qenë asnjëherë në pushtet, por kur kujtoj bëmat e saj, rikthehem në realitetin e sotëm. Kjo për faktin sepse, e shoh që kjo opozitë nuk rritet por zvogëlohet, nuk maturohet por tjetërsohet, nuk ribashkohet por veçse ndahet, sepse nuk ka programe zhvillimi por thjesht merret me akuza dhe denoncime të pavlera. Por përse nuk rritet kjo opozitë, përse ka mbetur aq sa ka dashur të ketë mbështetës Berisha?
Ai gjithmonë ka dashur të ketë pas vehtes ata ithtarë që janë gati të kapin kallashin për të mbrojtur postin dhe pasurinë e tij, për të tjerat nuk ka pyetur shumë. Kjo opozitë, nuk motivon, dhe këtë e tregoi protesta e 12 Nëntorit. Ishte e vakët, e sajuar me sforco dhe njerës të paguar, por kurrë nuk mund të thuash se “ndezi zemrat e demokratëve për të sjellë ndryshimin”.
Është e qartë se me Berishën kryetar partie, ose më keq akoma kryetar opozite, Partia Demokratike edhe për 15 vite të tjera nuk vjen në pushtet. Jo sepse këtë e them unë apo dikush tjetër. Por sepse Berisha tanimë ka konsumuar gjithçka nga vetja, nga formimi i tij politik, ai ka konsumuar pushtet, dhe mbetet njeriu që akuzohet sot nga drejtësia shqiptare dhe SHBA.
Në të gjitha vendet demokratike ku ka forcë qeverisëse dhe opozitë konstruktive, pushteti ka balancat e veta, dhe betejat politike elektorale zhvillohen mbi norma dhe rregulla të paracaktuara. Rrotacioni i pushtet në vendet europiane, vjen natyrshëm, me votën e lirë dhe konsensusin e palëve. Ai që humbet zgjedhjet, respekton publikisht fituesin. Asnjëherë në Shqipëri, nuk ka ndodhur kjo. Asnjëherë, në 32 vite, humbësi serial i zgjedhjeve nuk ka pranuar dhe respektuar votën e lirë.
Dhuna në fushata dhe vjedhja apo blerja e votës, ka qenë teoria dhe praktika më famëkeqe e shpikur dhe Sali Berisha, e cila ka shoqëruar në dekada jetën politike në këtë vend. Ai edhe sot ka maninë e manipulimit, të sajesave, dhe nuk jeton asnjë minutë pa akuzuar pa fakte kundërshtarin politik. Me Sali Berishën në krye, Partia Demokratike e vitit 2022, ka të gjitha shanset të humbasë çdo palë zgjedhje. Propoganda tinëzare dhe premtimet qesharake që ai u bën demokratëve që e mbështesin në salla të mbyllura, apo dhe fjalimi i tij në 12 Nëntor në bulevardin e Tiranës, nuk po arrijnë të ribashkojnë dhe dimensionojnë maksimalisht opozitën. Ajo gjendet sot më e dyzuar se kurrë.
Në bazë anëtarësia po braktis seksionet dhe selitë lokale të PD, pasi nuk beson se Sali Berisha dhe kandidatët e “primareve” do të kenë fuqinë ti ribashkojë ata. Besimi dhe shpresa se “PD do të vijë ndonjëherë në pushtet me Berishën kryetar”, ka humbur dhe venitur tek shumica e anëtarësisë. Pas 14 Majit 2023, Partia Demokratike pritet të rrudhet edhe më tepër se kaq. Sali Berisha që sot, ka gati fjalimin e “mosnjohjes së zgjedhjeve dhe rezultatit të tyre”, dhe kjo për arsyen sepse i duhet të justifikojë qëndrimin e mëtejshëm në postin e kryetarit. Ai që dikur deklaronte se “i kërkova Lulzim Bashës të jepte dorëheqjen pas humbjesve”, sot po tregon me fakte se nuk ka në plan të largohet, edhe sikur PD të mbetet me “200 petrita” në atë seli.
Komente
Lajme të tjera
-
Edison Ypi: Spiun dhe Bariton
25 Dhjetor, 21:10
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03
Nuk rritet se u rrit keq! Nese nuk do kishte flakur ne fillim te viteve 90 tipa si puna e Ramstalin, ajo do qe ne pushtet e shkuar pushtetit. Me Ramstalin ne krye! Por qe fat i PS thuaj..... Hipokrizia ramstaniane eshte ne mode kohet e fundit ne Tirone.
PërgjigjuPD ka shku per lesh.
Përgjigju