POP 5

Lajmet më të lexuara të 5 minutave të fundit

Sociale

Pesë vite në pritje të rindërtimit, një grup banorësh në Durrës kërcënojnë me greve urie: S'kemi përgjigje për riforcimin e pallatit

Një grup banorësh në Durrës protestuan sërish para bashkisë duke kërkuar riparimin e dëmeve në pallatin e dëmtuar nga tërmeti. Të mbetur pa shtëpi dhe pa bonus qiraje ata thanë se janë gati të futen në grevë urie, për të tërhequr vëmendjen e institucioneve. 

Për të dytën herë brenda pak ditësh, trokasin në derën e bashkisë për të marrë një përgjigje për nisjen e riforcimit të pallatit të tyre.

Një përfaqësi e 65 familjeve të pallatit nr.15, pranë tregut të vogël industrial në Durrës të lagjes nr. 12, organizoi protestën e radhës para bashkisë, pasi kërkojnë nisjen sa më parë të punimeve.

Të mbetur pa shtëpi prej tërmetit dhe pa bonus qiraje prej 1 viti, këto familje ndodhen në vështirësi të shumta ekonomike. Disa prej tyre janë gati të futen në grevë urie, për të tërhequr vëmendjen e strukturave shtetërore për t’i dhënë zgjidhje hallit të tyre.

Prej gati 5 vitesh, ata presin riforcimin e godinës me shkallë dëmi DS4. Sipas bashkisë, pallati nr.15 do të riforcohet me fondet e pushtetit vendor, por para nisjes së procedurave të tenderit, pritet marrja e aprovimit nga Komisioni Shtetëror i Rindërtimt.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04