PESHKOPI- Inspektorët e tatimeve u kërcënuan me sopatë nga një pronar lokali në Peshkopi. Punonjësit e tatimeve janë paraqitur për të kryer kontrollin në subjektin e tij privat, pasi 51 vjeçari Hasan Ademi figuronte pa asnjë dokument ligjor. 

Pronari u ka kërkuar tatimorëve të tërhiqen nga kontrolli duke i kërcënuar me jetë. Efektivë të policisë kanë ndërhyrë në qetësimin e situatës. 

Ndaj Hasan Ademit ka filluar procedimi penal në gjendje të lirë për kundërshtim të forcave të policisë. 

Prokuroria e Dibrës ka marrë të gjitha materialet dhe po vijon procedurat për veprën penale të kundërshtimit të punonjësit që kryen detyrën shtetërore.

Redaksia online
(s.m/shqiptarja.com)