PESHKOPI - Ndonëse janë zhvilluar disa aksione nga Autoriteti Kombëtar i Ushqimit në të gjithë vendin për të ndaluar tregtimin e mishit jashtë kushteve higjeno sanitare, situata në disa zona vijon të jetë e njëjtë.
 
Në tregun e mishit në komunën Maqellare në Peshkopi, kafshët theren në ambient të hapur duke u ekspozuar ndaj baktereve dhe në kushte thuajse primitive, duke rrezikuar shëndetin e konsumatorëve.
 
Tregtarët shprehen jashtë kameras se i kanë kërkuar komunës që të krijojë ambjente të përshtatshme për tregtimin e mishit, por deri tani sipas tyre kërkesa e tyre ka rënë në vesh të shurdhër.
 
Redaksia online
(ac/shqiptarja.com)