Receta

Peshq të vegjël me salcë domate të aromatizuar nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 8 Maj, 11:59 | Përditesimi: 8 Maj, 12:00

Peshq të vegjël me salcë domate të aromatizuar

Përbërësit:

220 gr sardele / peshq të vegjël
4 domate
1 tufë majdanoz
1 kokërr qepë
2-3 lugë bukë e grirë
1 lugë erëza të përziera
2 degë kopër
2 thelpinj hudhër
1/2 lugë rigon
2 degë borzilok
1 degë rozmarinë
1 spec i kuq
2 lugë soja
Pak miell
Vaj ulliri
Kripë, piper i zi

Përgatitja:

LEXO EDHE:
Pulë me oriz në furrë nga zonja Albana

Vendosim tiganin në zjarr me vaj ulliri dhe kaurdisim qepën. Shtojmë specin e grirë dhe hudhrat. Pasi zbutet qepa shtojmë domatet e prera, koprën, rigonin, rozmarinën, borzilokun, majdanozin e grirë, kripën, piperin e zi. E trazojmë mirë duke shtuar më pas pak ujë, salcën soja dhe bukën e grirë. Ndërkohë sardelet ose peshqit e vegjël i marinojmë me kripë dhe i lyejmë nga të gjitha anët me miell të cilin e kemi trazuar me erëza miks. I skuqim peshqit në tigan me vaj dhe i vendosim në pjatë mbuluar me letër për të përthithur yndyrën. Bëjmë servirjen e pjatës duke vendosur fillimisht salcën e domates të aromatizuar dhe më pas peshqit e skuqur. Sipas dëshirës e dekorojmë pjatën me disa fetëza limoni dhe portokalli.

MC/Shqiptarja.com

TAG: