Pësuan humbje me katër gola, Julian Ahmataj: Skënderbeu na kapi pa përgatitur, vetëm malore

Tirana humbi 3-4 me Skënderbeun në "Air Albania". Dueli i javës së 21-të foli për juglindorët, që i treguan kryeqytetasve problemet në prapavijë. Pas ndeshjes trajneri i Tiranës, Julian Ahmataj pranoi neglizhencën dhe pësimin e lehtë të golave.

"Është e vështirë, por ngelëm dhe me 10 lojtarë dhe kjo e bëri edhe më të vështirë ndeshjen, patëm mundësi për ta barazuar dhe fituar ndeshjen, por nuk u realizua dot dhe ky është futbolli.

Në goditjet standarte na kapën të papërgatitur dhe duhet më shumë vigjilencë dhe kështu pësuam dy golat e parë, ndikoi në anën psikologjike dhe në ecurinë e lojës.

Kemi luajtuar shumë mirë këtë periudhë dhe kjo ishte si një goditje, djemtë e kapën ritmin, por më pas ndeshja shkoi gjithnjë në malore.

Është e vërtetë pjesa e golave, punojmë shumë për të mos pësuar, janë momente neglizhence që na gjejnë të fikur ndonjëherë. Ermal Meta ishte më i riu për të shkuar në një pozicion që ishte mbrojtësi, rikthyem ndryshimin dhe kjo na dha ndryshim loje. Nuk ka lidhje me rreshtimin se problemet që kishte një lojtar jashtë pozicionit”, tregoi Ahmataj për MCN.

Lajmi kryesor:

GOLAT/ Skënderbeu turpëron 3-4 Tiranën në 'Air Albania', Vllaznia dhe Partizani paqe me gola në Shkodër! Teuta i merr pikë në fund Laçit

S.DH/Shqiptarja.com

TAG:
• superliga
• Laçi
• Teuta
• Vllaznia
• partizani
• tirana
• skenderbeu