Parku Kombëtar i Valbonës vlerësohet si mrekullia e alpeve shqiptare. Peizazhi malor, ujërat e Lumit të Valbonës dhe ekosistemi i parkut, vitet e fundit po tërheqin gjithnjë e më shumë turistë vendas dhe të huaj, kjo edhe falë përmirësimit të rrugës automobilistike, furnizimit me energji, dhe investimeve të vetë banorëve për pritjen e pushuesve.
 
Por banorët janë të shqetësuar se Parku kombëtar do të dëmtohet nga ngritja e tre hidrocentraleve në Luginën e Valbonës. Drejtuesi i shoqatës së turizmit në Valbonë, Alfred Selimaj, thotë se koncesionet e dhëna për ndërtimin e tre hidrocentraleve, atë të Valbonës, Dragobisë dhe Çeremit, do të dëmtojnë turizmin dhe vetë ekosistemin e Parkut Kombëtar. Përfaqësuesit e shoqatave ambientaliste në Tiranë e cilësojnë ndërtimin e hidrocentraleve në Parkun Kombëtar si një krim mjedisor kombëtar. Së fundmi, qytetarët kanë firmosur një peticion online kundër ndërtimit të hidrocentraleve në Valbonë.
 
Në linkun e mëposhtëm mund të firmosni dhe ju këtë peticion kundër shkatërrimit të bukurisë së Alpeve tona dhe Turizmit alpin në Valbonë.
 
Linku ku mund të klikoni për të firmosur peticionin