Peticioni i artistëve, 50 firma për shpalljen e Teatrit Kombëtar monument kulture

Një ditë pas dorëzimit të ftesave deputetëve dhe anëtarëve të këshillit bashkiak për takim më 7 maj mbi të ardhmen e Teatrit Kombëtar, artistët janë pritur në takim nga kryetari i Këshillit Bashkiak Tiranë, Aldrin Dalipi.

Pas takimit kryetari i Sindikatës së Artistëve të Skenës dhe Ekranit, Alert Çeloaliaj dhe regjisori Robert Budina tregojnë ç’ndodhi në takim si dhe sqarojnë opinionin publik për projektvendimin e miratuar nga Bashkia Tiranë. 

Konfirmuam marrjen e ftesave nga ana e Këshillit Bashkiak, i përsëritëm ftesën zotit Dalipi për të hënën në orën 19:00. Nuk morëm një përgjigje konkrete për këtë, për ne e rëndësishme është që ftesat kanë mbërritur. 

 Alert Çeloaliaj, kryetari i SASE 

Dhe vendimi e Këshilli Bashkiak nuk ka lidhje direkte me Teatrin Kombëtar, ne e dinim që ditën që shkuam në Bashki. Trualli i Teatrit Kombëtar nga Ministria e Kulturës nuk kalon dot te Bashkia, nuk bëhet asgjë. Ne e dimë shumë mirë këtë.  

Robert Budina, regjisor  

Për sa  i përket peticionit që u anoncua dëgjesën e të hënës për shpalljen e Teatrit Kombëtar monument kulture, artistët shprehen se deri më tani janë mbledhur mbi 50 firma dhe se po punohet akoma. 

Që ditën që ishim aty u mblodhën rreth 50 firma. Edhe me kaq është e mjaftueshme, por ne duam që ta bëjmë sa më masive, që edhe njerëzit ta kuptojnë vlerën e saj. Duam ta kthejmë këtë në kauzë.  

Robert Budina, regjisor 

Më 7 maj do të zhvillohet dëgjesa nr.9 e Aleancës për mbrojtjen e Teatrit, ku pritet të jenë të pranishëm deputetë dhe këshilltarë të Bashkisë Tiranë, nëse do të konfirmojnë pjesëmarrjen pasi një gjë të tillë se kanë bërë ende. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Flutur Bida: 05/05/2018 03:37

    Eshtr me rendesi te vecante qe Teatri Kombetar te shpallet Monument kUlture.Aty ne ate Teater filloi jeta e interpretimit dramatik shqiptr kombetar.Vlerat monumentale te ketij teatri do t'u tregojne brezave qe do te vijne se ketu ne kete godine ka filluar jeta artistike e Teatrit Kombetar shqiptar.Ketu kane lujtur gjigandet e artit skenikMihal Popa, besim Levonja ,Liza Laska , Naim frasheri e me radhe .eshte nje plejade artistesh qe do te mbeten ne memorjen e ketij teatri monumental kombetar.Mos i prishni vlerat kulturore te kombit.Se pa to jemi asgje .e mbeshtes kete peticion fuqishem.Shqiptare bashkojuni artisteve dhe firmosni Peticionin qe Teatri Kombetar te deklarohet monument kulture kombetare.

    Përgjigju
  • Xhemaili: 04/05/2018 21:44

    Na can koken dhe kta artistet kush vete me ne teater kta marrin leket nga taksat tona robert ndrenika marrka dhe pension dhe rroge nuk e kuptoj

    Përgjigju
  • Sondazhi i ditës:

    Qeveria shtyn zbatimin e fashës 800 kWh për çmimin e energjisë, mendoni se është zgjidhja e duhur?



×

Lajmi i fundit

Reshje të dendura shiu në Maliq, stuhia rrëzon pemët pranë fshatit Pendavinj

Reshje të dendura shiu në Maliq, stuhia rrëzon pemët pranë fshatit Pendavinj