Petkoviç pas miratimit të Deklaratës për të Zhdukurit: Mbrojtëm interesat serbe, hoqëm termin 'i zhdukur me forcë'

Përfaqësuesi i Serbisë në negociatat me Kosovën, Petar Petkoviç ka reaguar pas miratimit të tekstit të Deklaratës për Personat e Zhdukur, duke thënë se janë mbrojtur interesat e Serbisë edhe në këtë rast. Ai tha se në tekst është hequr termi ‘i zhdukur me forcë’ për personat e zhdukur.

"Ne ramë dakord për atë që ka insistuar pala serbe dhe ajo që ka hyrë në tekstin e deklaratës është termi "i zhdukur me forcë”, tregon rrethanat në të cilat është zhdukur një person," ka thënë Petkoviç duke shtuar se 1621 persona janë të zhdukur, nga të cilët 568 janë të kombësisë serbe.

LEXO EDHE:
Sot një nga stërvitjet më të mëdha të ushtrisë serbe, testohen dronë kamikazë! I pranishëm Vuçiç dhe komandanti i KFOR

Ai më tej ka u shpreh se Beogradi i ka përmbushur të gjitha kërkesat e Prishtinës dhe se janë gërmuar 23 vendndodhje në Serbinë qendrore, por se Prishtina është ajo që nuk po i përmbush kërkesat e Beogradit.

“Prandaj është e rëndësishme që të kemi një deklaratë edhe aty ku Prishtina ka frenuar, për të filluar procesin dhe që familjarët e të zhdukurve para së gjithash të marrin trupat e të zhdukurve dhe të dihet e vërteta e plotë. Edhe një herë, për të shmangur keqinterpretimet, ky nuk është një dokument i miratuar, i cili përmend termin që përfshin përgjegjësinë e Beogradit dhe Serbisë, ne e hodhëm poshtë atë dhe, duke u konsultuar me ekspertët më të mëdhenj juridikë nga e drejta ndërkombëtare, dolëm në një term që është i pranueshëm për ne, i cili përshkruan kushtet në të cilat një person i caktuar është zhdukur,”- ka thënë Petkoviç.

Lajmi kryesor:

Dialogu Kosovë-Serbi, miratohet Deklarata për 1.600 të zhdukurit e luftës, s'ka dakordësi për draft-statutin e 'Asociacionit'! Vuçiç: S'e pranoi Kurti

B.V/Shqiptarja.com

TAG:
• Petar Petkoviç