POP 5

Lajmet më të lexuara të 5 minutave të fundit

Bota

Pfizer blen laboratorin Arena Pharmaceuticals për 6.7 miliardë dollarë

Pfizer njoftoi të hënën blerjen, për 6.7 miliardë dollarë, të laboratorit Arena Pharmaceuticals, i cili zhvillon disa trajtime kundër sëmundjeve inflamatore autoimune.

Pfizer blen laboratorin Arena Pharmaceuticals për 6.7 miliardë dollarë

Pfizer njoftoi të hënën blerjen, për 6.7 miliardë dollarë, të laboratorit Arena Pharmaceuticals, i cili zhvillon disa trajtime kundër sëmundjeve inflamatore autoimune. E themeluar në vitin 1997 dhe e vendosur në San Diego (Kaliforni), Arena u listua në bursë në vitin 2000. Ajo është e specializuar në zhvillimin e barnave. Në vitin 2020, ajo arriti vetëm një xhiro prej 306,000 dollarësh (me një humbje prej 404 milionë dollarësh), kundrejt 806 milionëve të një viti më parë falë kryesisht shitjes së të drejtave të një medikamenti kundër hipertensionit arterial pulmonar në United Therapeutics.

Laboratori aktualisht po llogarit në trajtimin kundër kolitit ulceroz, një sëmundje inflamatore kronike e zorrëve të trashë dhe rektumit, në fazën 3 të studimeve klinike, e fundit përpara paraqitjes së një aplikimi për autorizim tregtimi. Arena po përgatitet edhe për fazën 3 (e cila krahason efektivitetin e trajtimit me atë të barnave tashmë në treg) të një trajtimi për dermatitin atopik, i quajtur edhe ekzema atopik, që është një sëmundje inflamatore kronike e lëkurës.

Pfizer është gjithashtu i interesuar për etrasimod, një ilaç oral për disa sëmundje inflamatore autoimune. " Ne planifikojmë të përshpejtojmë zhvillimin e etrasimodit " duke ndarë burime shtesë për këtë trajtim, tha në një deklaratë, presidenti i divizionit të inflamacionit dhe imunologjisë të Pfizer, Mike Gladstone.

Kjo blerje, e financuar tërësisht me para në dorë, është ende subjekt i miratimit të autoriteteve rregullatore.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29