POP 5

Lajmet më të lexuara të 5 minutave të fundit

Kultura

“Piccolo Mare”, Shqipëri-Itali bashkë në artin pamor, ekspozita me punët e studentëve në “Harabel” e “Fab”

Është çelur pranë galerive “Harabel” e “Fab” ekspozita “Piccolo mare” që bën bashkë punimet më të mira të studentëve të arteve në Itali e Shqipëri. 

Mbrëmjen e fundit të janarit, qendra “Harabel”, bëhet mikëpritëse e artit pamor të dy vendeve fqinjë… Shqipërisë e Italisë.

“Kjo është një iniciativë shumë e rëndësishme për “Harabel” dhe Universitetin e Arteve”, shprehet Ajola Xoxa, themeluese e platformës “Harabel” dhe kuratore e ekspozitës.

Ekspozita “Piccolo Mare”, e mbajtur në bashkëpunim  me Akademinë e Arteve të Bukura në Leçe,  mirëpret vepra fituese të përzgjedhura nga konkursi i Çmimit Kombëtar të Arteve në edicionin e tij të 16-të në Itali, si dhe punë të studentëve të Universitetit të Arteve në Shqipëri.

“Rreth 500-600 studentë të arteve të bukura paraqesin punimet e tyre më të mira dhe nga ata përzgjidhen afro 15 fitues.  Ishte ideja e organizatorëve për ta sjellë këtë ekspozitë në Tiranë, dhe më pas ne propozuam që të shtonim edhe studentë të Universitetit të Arteve në Tiranë”, shton Xoxa.

Nisma synon të rrisë shkëmbimin kulturor mes dy vendeve duke krijuar përmes artit pamor mënyra të reja bashkëpunimi dhe njohjeje reciproke të asaj që ndodh përtej detit.

“Natyrisht, hapja ndërkombëtare e kësaj ngjarje të artit, mendoj se është një moment i mirë reflektimi mbi ato që janë aspekte thelbësorë të edukimit, të prodhimit artistik dhe në mënyrë të veçantë të promovimit të artit”, shprehet Nunzio Fiore, drejtor i Akademisë së Arteve të Bukura në Lecce.

“Ne përgjatë këtyre ditëve po punojmë edhe mbi një marrëveshje për të ndërtuar një diplomë dypalëshe, që studentët të kenë mundësi të udhëtojnë në të dy krahët e Adriatikut”, thotë Artan Peqini, dekan i Fakultetit të Arteve të Bukura.

Ekspozita e shtrirë edhe në galerinë “Fab” do të qëndrojë e hapur deri në 14 shkurt.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57