'Pinguin', pseudonimi i ri i Mbappe-s nga shokët e skuadrës, qetësi në dhomat e zhveshjes së PSG-së

PSG mundi 7-1 Lille në duelin e tyre të fundit në Ligue 1, me Kylian Mbappe që shënoi një "hat-trick". Fitorja e tyre ka sjellë pak qetësi në një dhomë të tensionuar të zhveshjes, si dhe një pseudonim të ri për sulmuesin 23-vjeçar.

Mbappe i befasoi shumë në maj kur PSG njoftoi se ylli i tyre do të rinovonte kontratën e tij, për të cilën francezi hodhi poshtë ofertën e Real Madridit .

Në fillim të sezonit të ri ka pasur shumë tension mes bashkëlojtarëve dhe Mbappes dhe mediat franceze e kanë përshkruar dhomën e zhveshjes së PSG-së si “fuçi baruti”.

Së fundmi , duket sikur tensioni mes Mbappes dhe shokëve të tij është qetësuar pas fitores më të  fundit. Si zakon, lojtari që shënon një "hat-trik" merr një top të firmosur nga të gjithë shokët e tij të skuadrës dhe ndër nënshkrimet kryesore ishte fjala ‘Pinguin’.

Autori është Achraf Hakimi, i cili ka lindur në Madrid dhe ka kaluar një dekadë duke luajtur në akademinë e Real Madridit. Kështu Mbappe mori një pseudonim të ri, pasi më herët se ai thërritej Donatello për shkak të ngjashmërisë me personazhin me të njëjtin emër nga filmi vizatimor i njohur  "Ninja Turtles"

S.C/Shqiptarja.com

TAG:
• psg
• Kylian Mbappe