POP 5

Lajmet më të lexuara të 5 minutave të fundit

Kronikë

"Pirateria Televizive" nis
bllokimet e kabllorëve

Me dhjetra shoqëri kabllore që transmetonin në rrugë abuzive programe të “Digitalb” dhe kompanive të tjerë u kontrolluan këto 2 ditë në të gjithë vendin.
TIRANE- Me dhjetra shoqëri kabllore që transmetonin në rrugë abuzive programe të “Digitalb” dhe kompanive të tjerë u kontrolluan këto 2 ditë në të gjithë vendin. Operacioni “Pirateri Televizive” zbuloi disa subjekte të rrjeteve kabllore, transmetojnë kanale televizive në mënyrë të paligjshme duke mos patur autorizimin përkatës. Në Shkodër u kontrollua “Cable Albania” dhe filloi procedimi penal në ngarkim të administratorit të subjektit, Aldin Gjurbavija, 39 vjeç, të cilit iu bllokuan 57 aparatura. Ndërkaq, në Dibër është ushtruar kontroll në 2 ambientet e disponuara nga Endri Leka, 26 vjeç, banues në Peshkopi. U konstatuan pajisje kompjuterike dhe aparatura të tjera që shërbejnë për transmetimin e paligjshëm të kanaleve televizive të subjektit “Digitalb”.

Në këto kushte, u përpiluan të gjitha materialet proceduriale të nevojshme, të cilat ju referuan Prokurorisë së Rrethit Gjyqësor Dibër, për fillimin e procedimit penal për veprën penale  “Shkelja e të drejtave të pronësisë industriale” parashikuar nga neni 149/a, gërma “c” të Kodit Penal, në ngarkim të shtetasit të lartpërmendur. Në cilësinë e provës materiale, u sekuestruan karta Smart të rrjeteve “Digitalb”, ”Grifin cas” dhe “Tring”, etj. Nga strukturat e Sektorit për Krimin Ekonomik e Financiar në DPQ Durrës, është ushtruar kontroll në ambjentet e subjektit të rrjetit kabllor “Al-te” shpk, në të cilën është konstatuar se nëpërmjet këtij rrjeti kabllor transmetoheshin 50 kanale televizive. Janë përpiluar materialet proceduriale për referimin në Prokurorinë e Rrethit Gjyqësor Durrës, për veprën penale “Shkelja e të drejtave të pronësisë industriale” parashikuar nga neni 149/a, gërma “c” e Kodit Penal, me qëllim verifikimin e ligjshmërisë së transmetimit të kanaleve televizive, në ngarkim të administratorit të subjektit.

Nga strukurat e Sektorit për Krimin Ekonomik e Financiar në DPQ Lezhë, është ushtruar kontroll në ambientet e subjektit “Al-te” shpk, e cila ndodhet në Lagjen nr. 2, në qytetin e Laçit. U konstatua se subjekti transmetonte 12 kanale të Platformës “DIGITALB” në mënyrë të paligjshme. U përpiluan materialet e nevojshme proceduriale për referimin në Prokurorinë e Rrethit Gjyqësor Durrës, për veprën penale “Shkelja e të drejtave të pronësisë industriale” parashikuar nga neni 149/a, gërma “c” e Kodit Penal.

Sekuestrimet, sipas qarqeve
 
Shkodër
57 aparatura bllokuar
1 person proceduar
Dibër
2 transmetues bllokuar
4 aparate “Digitalb”
3 karta Smart sekuestruar
5 karta rimbushëse
3 përforëcues televizivë
2 dekoder HD
6 dekoder SD
2 module
1 aparat SAT-TV
6 telekomanda
1 person proceduar
Durrës
1 subjekt kontrolluar
Lezhë
1 subjekt kontrolluar
4 modelatorë bllokuar
30 aparatura sekuestruar
 
Kabllorët e administratorët në verifikim
 
Fier, “Alfa Hajdini”, Bilbil Hajdini
Poliçan, “CA-TV”, Ilir Olldashi
Përmet, “Këlcyra Sat”, Ilir Olldashi
Tiranë, "Cable Albania Tiranë", Risto Gjurbavija
Patos, “Silvi&Kombi", Eduart Muho
Kavajë, "Multivizion", Arjan Sotiri


 Shkrimi u publikua sot (28.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50