POP 5

Lajmet më të lexuara të 5 minutave të fundit

Kronikë

Pjesë e grupit të organizuar kriminal, GJKKO kalon për proces për 5 akuza dosjen e ish-shoferit të MB dhe 3 familjarëve të tij! Pranohet gjykimi i shkurtuar, mbi 2,1 mln euro të përfituara

Më 11 Qershor SPAK kishte dërguar për gjykim çështjen me 12 të pandehur. Mes tyre edhe Sokol Idrizaj, ish-shofer i MB, bashkëshortja dhe dy vajzat e tij. Pastronin nëpërmjet mallrave të vjedhur në Francë nga grupi kriminal, paratë e organizatës

Pjesë e grupit të organizuar kriminal, GJKKO kalon për proces për 5 akuza dosjen e ish-shoferit të MB dhe 3 familjarëve të tij! Pranohet gjykimi i shkurtuar, mbi 2,1 mln euro të përfituara

SPAK dhe bizhuteritë e vjedhura, të sekuestruara ndaj grupit të pandehur

Tiranë- Gjykata e Posaçme kalon për gjykim dosjen e ish-shoferit të Ministrisë së Brendshme dhe familjarëve të tij, që akuzohen për grup kriminal, kontrabandë mallrash, mos deklarim të ardhurash, pastrim parash dhe ushtrim pa licencë të aktiviteteve financiare.

Mësohet se GJKKO pranoi edhe kërkesën e të pandehurve për gjykim të shkurtuar, ku në rast dënimi do të përfitonin zbritjen me 1/3-ës nga vendimi përfundimtar.

Në Maj të vitit të kaluar, ish-shoferi Sokol Idrizaj, bashkëshortja e tij Elda Idrizaj, dhe dy vajzat e tyre, u vunë nën akuzë nga SPAK, pasi dyshohen si anëtarë të një grupi të organizuar kriminal. Në kuadër të këtij procedimi u hetuan në total dhe arrestuan 12 persona.

Ata dyshohen se kanë transportuar sende të vjedhura dhe me vlerë të çmuar nga shteti  francez drejt Shqipërisë, ku janë shitur në mënyrë të fshehtë dhe kontrabandë përmes argjendarisë së shtetasit Vangjush Kashari, që ka dyqanin qendror në Tiranë.

Grupet kriminale sipas skemës së zbërthyer nga SPAK, bënin vjedhjet në biznese dhe banesa në zona të ndryshme të Francës, nga markat e shtrenjta, bizhutë e floririt, por edhe piktura, teksa më tej ua dorëzonin të dyshuarve të tjerë si korrierë, që i sillnin në vendin tonë.

Verifikimet e SPAK treguan se këto grupe që funksiononin që para vitit 2019, kanë kaluar drejt Francës 724,386 euro për blerje të sendeve me vlerë, shifër kjo që i përket vetëm transaksioneve bankare, ndërsa shumat në kesh (cash), të cilat janë transportuar nëpërmjet kufirit shtetëror në mënyrë të paligjshme, kapin vlerën e 2.1 milionë eurove dhe 35000 franga.

SPAK e kishte dërguar dosjen për gjykim që prej datës 11 Qershor të këtij viti. Kurse hetimet dhe operacioni u zhvilluan mbi një vit më parë, në muajin Qershor 2023. Por operacioni nisi në Francë dhe u finalizua më tej në vendin tonë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sipas jush kë do të forcojë më shumë protesta e 7 tetorit?

Lajme të tjera



×

Lajmi i fundit

Milani humbet dy penallti, De Gea hero! Fiorentina fiton 2-1 kundër kuqezinjve

Milani humbet dy penallti, De Gea hero! Fiorentina fiton 2-1 kundër kuqezinjve

6 Tetor, 22:42