POP 5

Lajmet më të lexuara të 5 minutave të fundit

Kronikë

Të dënuar nga GJKKO si pjesëtar të grupeve kriminale, ekstradohen nga Spanja dhe nga Gjermania dy persona (EMRAT)

Dy persona janë ekstraduar nga Gjermania dhe nga Spanja pasi ndaj tyre ishte caktuar masa e sigurisë ‘arrest me burg’ caktuar nga GjKKO-ja, për veprimtari kriminale, të kryera në kuadër të 2 grupeve kriminale

Të dënuar nga GJKKO si pjesëtar të grupeve kriminale, ekstradohen nga Spanja dhe nga Gjermania dy persona (EMRAT)

TIRANË- Dy të dënuar me ‘arrest me burg’ nga GJKKO, për veprimtari kriminale, të kryer në kuadër të 2 grupeve kriminale janë ekstraduar nga Gjermania dhe nga Spanja.

Konkretisht është ekstraduar nga Frankfurti, shtetasi i lindur në Palestinë, Ahmed Sullatn, 33 vjeç.

Gjykata e Posaçme kundër Korrupsionit dhe Krimit të Organizuar i ka caktuar 33-vjeçarit, masën e sigurisë “Arrest në burg”, për veprat penale “Ndihma për kalim të paligjshëm të kufijve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Ahmed Sulltan akuzohet se është organizator i një grupi kriminal, i cili nga viti 2020, ka kryer disa raste të dhënies ndihmë emigrantëve nga Lindja e Mesme, kundrejt 4500-5000 eurove/person, për kalim të kundërligjshëm në shtetet e BE-së, përmes rrugëve detare dhe atyre tokësore.

Po ashtu është ekstraduar nga Barcelona shtetasi Gjergj Zefi, 31 vjeç, lindur në Sukth.

Gjykata e Posaçme kundër Korrupsionit dhe Krimit të Organizuar i ka caktuar 31-vjeçarit, masën e sigurisë “Arrest në burg”, për veprat penale “Prodhimi dhe shitja e narkotikëve’’, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Gjergj Zefi akuzohet se ka qenë pjesë e një grupi kriminal që mbante, transportonte, shiste dhe trafikonte lëndë narkotike.

Të ekstraduarit iu dorëzuan Drejtorisë së Përgjithshme të Burgjeve, për veprime procedurale të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Shkodër/ Vetura përplas për vdekje motoçiklistin 45-vjeçar, policia arreston shoferin!

Shkodër/ Vetura përplas për vdekje motoçiklistin 45-vjeçar, policia arreston shoferin!

24 Janar, 19:23