POP 5

Lajmet më të lexuara të 5 minutave të fundit

Bota

Plaket popullsia e Kinës, bie numri i lindjeve pas 6 dekadave! India kalon në vendin e parë

Kina ka kaluar zyrtarisht në krizë demografike. Autoritetet njoftuan rënie të popullsisë krahasuar me një vit më parë, teksa qeveria qendrore ka filluar të marrë masa për politika lehtësuese për çiftet e reja. Ndërkohë, në prill pritet të marrë stafetën si vendi me popullsinë më të madhe, India

Plaket popullsia e Kinës, bie numri i lindjeve pas 6 dekadave! India kalon në vendin e parë

Foto ilustruese

Kina, ka hyrë në "epokën e rënies së popullsisë”, pasi shifrat zbuluan një rënie historike të numrit të lindjeve për herë të parë që nga viti 1961.

Vendi kishte një rënie me 850 mijë banorë krahasuar me një vit më parë, njoftoi Byroja Kombëtare e Statistikave. Kjo rënie ka frikësuar autoritetet kineze që kanë filluar të ndërmarrin masa. Sipas ekspertëve, pritet një periudhë e gjatë e rënies së popullsisë, pavarësisht përpjekjeve të mëdha të qeverisë për të ndryshuar trendin.

Qeveria e Kinës ka disa vite që po përpiqet të inkurajojë njerëzit që të kenë më shumë fëmijë dhe të shmangë krizën demografike të shkaktuar nga plakja e popullsisë, duke alokuar deri në 5,550 dollarë në muaj për një familje me tre fëmijë.

Ekspertët e fushës thonë se dekada të tëra me një politikë shumë të ashpër që lejonte vetëm një fëmijë, sot i ka bërë çiftet shumë rezistente për t’u martuar dhe për të krijuar familje.

Plakja e Kinës mund të ndikojë edhe në ekonominë globale, sipas shumë ekonomistëve. Rënia e krahut të punës dhe fokusi më i madh te politikat sociale për moshën e tretë, mund të sjellë tkurrje të rritjes së ekonomisë së dytë më të madhe në botë.

Ndërkohë, bota do të dëshmojë një ngjarje simbolike demografike në vitin 2023, pasi India do të bëhet kombi me popullsinë më të madhe në botë. Sipas Kombeve të Bashkuara, popullsia e Indisë do të kalojë atë të Kinës në prill. Ky moment historik nuk është i rëndësishëm në vetvete, por thekson ndryshimin në modelet demografike midis dy kombeve më të populluara në botë.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Rusia rrit mbrojtjen pranë Japonisë mes mosmarrëveshjeve të SHBA-së! Çështjet e ‘ngrira’ mes dy shteteve thellojnë krizën

Rusia rrit mbrojtjen pranë Japonisë mes mosmarrëveshjeve të SHBA-së! Çështjet e ‘ngrira’ mes dy shteteve thellojnë krizën

22 Mars, 22:54