Rikthimi i shtatë në krye të Laçit për të rikthyer kurbinasit në binarët e duhur këtë sezon në Superligë. Trajneri Stavri Nica mori fitoren e dytë në po kaq ndeshje brenda harkut të pak ditëve, teksa presidenti Pashk Laska ia ka besuar një 'steke të vjetër' drejtimin e skuadrës. Këshilltar i presidentit, Nica nuk ka ngurruar të pranojë drejtimin e ekipit për herë të shtatë në karrierë.
Korçari 68-vjeçar zuri vendin e të shkarkuarit Gentian Mezani, duke treguar menjëherë cilësitë dhe eksperiencën e tij. "Trajneri kujdestar" e mori ekipin në vendin e tetë me 33 pikë dhe tanimë ka mundur Teutën dhe Partizanin, për ta dërguar ekipin në vendin e pestë dhe vetëm tre pikë larg Europës.
Në një kampionat ku nga java në javë ndryshojnë objektivat, duket se qetësia dhe urtësia e Nicës zënë peshë. I njohur me klimën sportive në Laç, Nica është i pari që ka vendosur gurthemelin e një ekipi europian, qysh në 2009-10, kur drejtoi ekipin për herë të parë në Superligë.
Me plot 113 ndeshje në krye të Laçit gjatë viteve të ndryshme, Nica ka fituar respektin e tifozëve dhe të kolegëve, teksa kulmi shënohet në sezonet 2012-13 dhe 2013-14, kur trajneri e drejtoi ekipin në 60 ndeshje dhe për herë të parë luajti në raundin e dytë të Kupave të Europës.
68-vjeçari Nica është më i vjetri mes kolegëve në Superligë dhe Laçi duket se ka gjetur "të tretin të vërtetin" këtë sezon, teksa nuk është çudi që edhe edicionin e ri Nica të qëndrojë në krye të stolit, si shembull i punës, sjelljes dhe rezultateve sportive. Profesori i futbollit vërtet ka vite mbi supe dhe konkurrohet vetëm nga Shensoji i Bylisit (64 vjeç), me 'plakun' e urtë që ka ende për të dhënë leksione futbolli për trajnerët e rinj.
Lajme të tjera
-
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Kalendari/ Kryesuesit luajnë në shtëpi, spikat AF Elbasani - Tirana! Superliga rikthehet në dy ditë
21 Nëntor, 09:41 -
FSHF kthen Tiranën në 'Air Albania' për derbin me Partizanin, kalendari i Superligës deri në fund të vitit
15 Nëntor, 11:07 -
Krisje te Egnatia, sulmuesi e mbyll pas tre muajsh dhe firmos në Itali
13 Nëntor, 13:31 -
Superliga/ Magani debuton me fitore, Tirana 'poker' Bylisit! Laçi 1-1 AF Elbasani, verdheblutë gjashtë ndeshje pa sukses
10 Nëntor, 18:56 -
Gugash Magani kërkon të nxjerrë Tiranën nga kriza, trajneri: Me Bylisin si derbi, të 'vrasim' frikën
9 Nëntor, 22:14 -
Superliga/ Partizani fiton 1-2 derbin dhe merr kreun, Vllaznia 'ngec' me kampionët! Teuta dhe Skënderbeu barazim me gola
9 Nëntor, 19:10 -
Derbi i kryeqytetit në 'Elbasan Arena', spikat edhe Egnatia - Vllaznia! Kalendari i raundit të 13-të në Superligë
7 Nëntor, 13:21 -
Në katër qytete të ndryshme, Tirana gjen shtëpi për ndeshjen e Superligës larg kryeqytetit
7 Nëntor, 12:54 -
Zyrtare/ Shkarkuan Shkëmbin, Tirana emëron në stol Gugash Maganin! Rikthim te bardheblutë pas 9 vitesh
6 Nëntor, 08:37 -
Tirana shkarkon Bledi Shkëmbin, trajneri për Report TV: E mbylla me bardheblutë
5 Nëntor, 11:50 -
Dinamo 'tërbon' AF Elbasanin, i shënon pesë gola! Partizanit i ikën fitorja në limite, Teuta e barazon në kryeqytet
5 Nëntor, 08:41
