6 mld eurot që Ballkani Perëndimor do të përfitojë në kuadër të planit të ri të rritjes ekonomike, i prezantuar nga Komisioni Europian në nëntor të 2023-shit, kërkojnë përmbushjen e reformave konkrete nga të gjashta vendet e rajonit.
Qeveria shqiptare është në fazën përfundimtare të hartimit të listës së reformave që do të mbështeten nga ky fond dhe kjo për ambasadorin gjerman në Shqipëri, Karl Bergner është një pikë kyçe në përparimin e vendit. Ai e bëri këtë deklaratë gjatë tryezës ku u diskutua për "Tregun e përbashkët rajonal dhe reformat e vendit në Planin e ri të Rritjes".
"Qeveria gjermane mbështet plotësisht objektivat e Planit të Rritjes, në veçanti synimin për të sjellë vendet e Ballkanit Perëndimor më pranë tregut të brendshëm të BE-së dhe gjithashtu më pranë pranimit. Ne e shohim Procesin e Berlinit dhe Planin e Rritjes si plotësues të njëri-tjetrit dhe një koordinim i mirë midis Komisionit, Këshillit të Bashkëpunimit Rajonal dhe Procesit të Berlinit është kyç për suksesin e tij”, u shpreh Karl Bergner, ambasador i Gjermanisë në Shqipëri.
Përparimi me reformat është kusht edhe për André Rizzo, i Ngarkuari me Punë i Delegacionit të BE-së, i cili tha se do ketë një efekt transformues në ekonomitë e të 6-ta vendeve në rast të përmbushjes së detyrave.
"Është një lajm i mirë që tashmë ka një zotërim domethënës të Planit të Rritjes në rajon. Komisioni Europian vlerëson se Plani i Rritjes është i aftë të kontribuojë për të pasur një efekt transformues në ekonomitë e rajonit, me kusht që të përmbushen plotësisht reformat sipas Planit”, tha André Rizzo, i Ngarkuari me Punë i Delegacionit të BE-së.
Ndërsa kryetarja e këshillit të integrimit, Jorida Tabaku, theksoi nevojën e një angazhimi me të madh të parlamentit në cështjet e integrimit.
“Pjesëmarrja e hershme e Parlamentit është vendimtare për të çuar përpara diskutimet kombëtare dhe reformat si dhe axhendat legjislative. Mekanizmat tanë parlamentarë të integrimit në BE janë të hapur për aktorët socialë që kontribuojnë në këtë proces”, tha Jorida Tabaku, Kryetare e Këshillit të Integrimit.
Plani i rritjes synon të mbështes ekonominë e vendeve të rajonit kryesisht në forcimin e tregut të përbashkët rajonal, për ta integuar gradualisht me atë të Bashkimit Europian. Plani parashikon 2 miliardë euro grante dhe 4 miliardë euro kredi me pagesë të kushtëzuar që partnerët e Ballkanit Perëndimor të përmbushin reforma specifike socio-ekonomike dhe themelore.
Lajme të tjera
-
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
Projektligji për faljen e gjobave, Tabaku: I paqartë dhe selektiv, nuk mbron shtresat në nevojë, disa institucione si kamzhik! Po ata që i kanë paguar?
17 Dhjetor, 15:37 -
Presidenti i Këshillit Evropian: E ardhmja e Ballkanit Perëndimor është në BE
16 Dhjetor, 14:49 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Jorida Tabaku: Shumica nuk qeveris sipas barazisë përpara ligjit, Parlamenti nuk zbaton vendimet e Gjykatës Kushtetuese
15 Dhjetor, 10:21 -
BE-ja angazhohet për integrim konkret për vendet e rajonit
14 Dhjetor, 22:00 -
Investimet strategjike, PS kërkon shtyrjen e ligjit, Tabaku kundër: Dhuratë për të privilegjuarit, përbuz 95% të shqiptarëve
14 Dhjetor, 10:37 -
Nga 1 janari qytetarët e Bosnje dhe Hercegovinës mund të udhëtojnë me letërnjoftim në Kosovë
13 Dhjetor, 08:50 -
Kush janë luftëtarët nga Ballkani Perëndimor në Siri?
13 Dhjetor, 08:19 -
Biseda/ Angela Merkel dhe Mario Draghi, çfarë i bën të mëdhenj këta dy europianë?
13 Dhjetor, 07:44
-
Samiti BE-Ballkani Perëndimor më 18 dhjetor në Bruksel, në fokus plani i rritjes dhe integrimi gradual
9 Dhjetor, 14:44
