TIRANË- Aksionit politik kombëtar të Sali Berishës për rrëzimin e Lulzim Bashës po i vjen fundi, duke i hapur rrugë kështu përballjes finale me ‘birin e tij politik’, të cilin e akuzon për tradhti, dorëzim të sovranitetin të partisë tek SHBA, për 5 humbje etj. Gjatë takimit të djeshëm në Peshkopi, Sali Berisha tha se janë mbledhur 2/3 e firmave për të thirrur Kuvendin Kombëtar të PD-së, me qëllim për anuluar vendimin e Bashës për përjashtimin e tij nga grupi i PD-së, rrjedhimisht edhe nga partia, si dhe për të shkarkuar Lulzim Bashën.
Edhe pse statuti aktual i PD-së parashikon që kryetari mund të shkarkohet vetëm përmes një mocioni mosbesimi nga Këshilli Kombëtar, vendim i cili duhet të konfirmohet më pas nga Kuvendi i partisë, Berisha nuk heq dorë nga rruga jashtë statutore për të goditur Bashën përmes Kuvendit të PD-së. Nga ana tjetër, Lulzim Basha ka deklaruar se nuk do të lejojë kurrë mbledhjen e një Kuvendi kundër SHBA, duke shtuar se Partia Demokratike nuk mund të kthehet në bunker i interesave personale, duke iu referuar Sali Berishës dhe Familjes së tij.
Po a mund ta mbledhë Kuvendin e PD-së Sali Berisha pa miratimin e Lulzim Bashës? Nëse Kuvendi mblidhet, kush do ta drejtojë dhe çfarë vendimesh mund të marrë?
Siguria e Lulzim Bashës për të mos lejuar mbledhjen e Kuvendit të PD-së nga Sali Berisha bazohet në një parashikim statutor, i cili kushtëzon mbledhjen e këtij forumi të lartë me vullnetin e kryetarit të partisë. Më konkretisht, Sali Berisha mund të mbledhë delegatët që kanë firmosur në një sallë të caktuar, por finalizimi i mbledhjes është në dorën e Bashës.
Pika 2 e nenit 43 të statutit të PD-së parashikon që Kuvendi i PD-së mund të mblidhet kur e kërkojnë 1/4 e anëtarëve të tij, por drejtimi i mbledhjes është në dorën e Lulzim Bashës. Fjalia e fundit e pikës 2 të nenit 43 parashikon që “punimet e Kuvendit drejtohen nga një Komision i përbërë nga 5 anëtarë, i cili zgjidhet në fillim të punimeve të tij, me propozimin e kryetarit të partisë”.
Në kushtet kur Lulzim Basha nuk e ka ndërmend të propozojë një komision të tillë, mbledhja e Kuvendit Kombëtar të PD-së nuk mund të mbahet, pasi nuk ekziston një komision drejtues. Çdo lëvizje tjetër që mund të ndërmarrë Berisha do ta bënte mbledhjen e paligjshme, pasi statuti e parashikon qartësisht që anëtarët e komisionit drejtues zgjidhen nga Basha.
Nuk ka dyshim se Sali Berisha e njeh statutin e PD-së, të cilin e ka votuar vetë dhe e di që mbledhja e Kuvendit të PD-së është në duart e Bashës. Në kushtet kur një parashikim i tillë është tejet i qartë, krijohen dyshime të forta se Sali Berisha nuk synon një përballje me votë për rrëzimin e Bashës në forumet e larta të Partisë Demokratike, por krijimin e një grupi mbështetësish brenda partisë, për ta përdorur si bunker në vend të PD-së, për vete dhe familjen e tij, e shpallur non grata nga SHBA dhe në shënjestër të drejtësisë së re.
Dyshimet mbi qëllimin e fshehur të ‘Foltores’ shtohen në kushtet kur statuti i Partisë Demokratike parashikon një rrugë tjetër për shkarkimin e kryetarit, që është mbledhja e Këshillit Kombëtar, si dhe për ankimimin e vendimit të përjashtimit, që është Komisioni për Ankesat, me në krye Flutura Açkën. Berisha po ndjek qëllimisht një tjetër rrugë, në kundërshtim me statutin, për të mos arritur kurrë në një rezultat konkret.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
Në fakt po mbaron epoka e Jagove, e Hamza Kastriotit, e bukshkalëve si puna e këtij elementi të katapultuar nga Hollanda për ti bërë fresk Edi Ramës dhe për të vdekur përfundimisht Opozitën.
PërgjigjuDmth nese 2/3 e Kuvendit te cfardo, Parti ose Parlament, kompani, etj., vendosin qe te mblidhen, nuk mund te mblidhen pa firmen e Kryetarit?! Interesante.
PërgjigjuI gjithe Kazani ne Shqiperi dhe jo vetem eshte investuar fuqishem ne krah te Bashes. Klonit te babit sovjetik non grata. Prandaj nuk behet ky vend, sepse zgjedh te keqen me te vogel dhe nuk e refuzon edhe ate. Politika ketu tek ne eshte nje pleh mes plehrave dhe Kazani eshte faktor shume i rendesishem i saj. Eshte krahu i djathte sic thoshte udheheqesi shpirteror i gjithe politikes shqiptare, diktatori Hoxha. Poshte plehrat qe mbeshtesin Bashen qe po te dale ne zgjedhje nuk merr asnje vote me shume se Rudina. Ky eshte pazar ne kurriz te popullit. Populli kerkon drejtesi dhe demokraci. Prandaj mos na cani zorren me perralla me gogol.
PërgjigjuCa kendveshtrimi komunist.
Përgjigju