Plani për paqe, ministri gjerman: Kina të gjykohet nga veprat, jo fjalët

Ministri gjerman i Mbrojtjes, Boris Pistorius, ka reaguar me skepticizëm ndaj propozimit kinez për armëpushim në luftën e Rusisë në Ukrainë.

“Kur i dëgjoj raportimet – dhe nuk e di nëse janë të vërteta – se Kina mund të jetë duke planifikuar furnizimin e Rusisë me dronë kamikazë, derisa e prezanton planin për paqe, atëherë sugjeroj që Kinën ta gjykojmë nga veprimet, dhe jo fjalët e saj”, i ka thënë ai transmetuesit publik gjerman, Deutschlandfunk.

LEXO EDHE:
Ish-këshilltari amerikan: Trump s’ka ide si t'i japi fund luftës në Ukrainë

Pistorius ka thënë se i takon Ukrainës të vendosë kur dhe nën çfarë kushtesh të nisë bisedimet me Moskën, dhe ka thënë se një skenar i njëjtë vlen edhe lidhur me vendimin për rikthimin e Gadishullit ukrainas të Krimesë, të cilin e ka pushtuar Moska më 2014.

“Kam prirje të them, po, Krimeja është territor ukrainas andaj duhet t’i kthehet mbrapsht”, ka thënë ai në intervistë.

“Por sërish, ky nuk është vendim që duhet ta marrim ne”.

Lajmi kryesor:

Lufta/ Putin: Ne s’mund të injorojmë aftësinë bërthamore të NATO-! Zelensky: Krimea është e jona, do kthehet tek ne! SHBA: Se njohim si ruse

SI.E./Shqiptarja.com

TAG:
• lufta ne ukraine
• rusia sulmon ukrainen
• Volodymyr Zelensky
• vladimir putin