POP 5

Lajmet më të lexuara të 5 minutave të fundit

Sport

Plas skandali në Spanjë, Barcelona i pagoi 1.4 milionë euro zyrtarit të Komisionit të Arbitrave

Barcelona mund të përballet me një dënim ekstrem, si zbritja e pikëve nga La Liga pasi katalanasit akuzohen se i paguan ish-zëvendëspresidentit të Komitetit Teknik të Gjyqtarëve, Jose Maria Enriquez Negreira, 1.4 milionë euro.

Plas skandali në Spanjë, Barcelona i pagoi 1.4 milionë euro zyrtarit të Komisionit të Arbitrave

Stadiumi i Barcelonës

Barcelona mund të përballet me një dënim ekstrem, si zbritja e pikëve nga La Liga pasi katalanasit akuzohen se i paguan ish-zëvendëspresidentit të Komitetit Teknik të Gjyqtarëve, Jose Maria Enriquez Negreira, 1.4 milionë euro (1.5 milionë dollarë) gjatë kohës që te Barça ishte në krye ish-presidenti Josep Bartomeu.

Negreira e mbajti rolin e tij në Federatën e Futbollit Spanjoll nga viti 1994 deri në 2018. Nga viti 2016 deri në 2018, Prokuroria e Barcelonës pretendon se Barca i ka paguar shumën një kompanie që zotëronte Negreira të quajtur DASNIL 95.

Siç shpjegohet nga programi i radios SER Catalunya, Negreira, i cili dikur ishte gjyqtar i La Ligës, mori 532,728.02 € (571,000 dollarë) në 2016, 541,752 € (580,000 dollarë) në 2017 dhe 341,000 dollarë në 2018 përmes DASNIL 95.

Faximile e Gjykatës në Barcelonë

Ish-presidenti Bartomeu shpjegoi se pagesa të tilla nuk janë një praktikë e re në Barcelonë dhe pretendon se klubi katalanas ka bërë pagesa për të njëjtën kompani që nga viti 2003, kur Laporta kishte mandatin e tij të parë si president. Historia u konfirmua nga Sandro Rosell, presidenti i klubit mes viteve 2010 dhe 2015. Laporta, kreu aktual i klubit ende nuk ka folur.

Para gjykatës dëshmuan disa ish-drejtues të Barcelonës, si dhe pronarë të kompanisë. Negreira nuk ka raportuar pagesat e sipërpërmendura nga Barcelona në administratën tatimore dhe thotë se nuk e ka bërë këtë sepse vetëm “u ofronte shërbime konsulence”.

Jose Maria Enriquez Negreira

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi