POP 5

Lajmet më të lexuara të 5 minutave të fundit

Bota

Platforma X mbyll qindra llogari të lidhura me Hamasin

Platforma X (ish-Twitter) ka mbyllur qindra profile të lidhura me Hamasin dhe ka ndërmarrë veprime për të hequr ose shënuar dhjetëra-mijëra përmbajtje pas sulmeve ndaj Izraelit, tha kryeshefja ekzekutive Linda Yaccarino

Platforma X mbyll qindra llogari të lidhura me Hamasin

Platforma X (ish-Twitter) ka mbyllur qindra profile të lidhura me Hamasin dhe ka ndërmarrë veprime për të hequr ose shënuar dhjetëra-mijëra përmbajtje pas sulmeve ndaj Izraelit, tha kryeshefja ekzekutive Linda Yaccarino.Kjo është përgjigje e një ultimatumi 24-orësh nga komisionari Evropian i Tregut të Brendshëm Thierry Breton drejtuar Elon Musk për të adresuar përhapjen e dezinformatave në platformën e tij X pas sulmit të Hamasit, në mënyrë që të pajtohet me rregullat e reja të BE-së për përmbajtjen në internet.

Breton, i cili tha se kishte indikacione X, dikur Twitter, po përdorej për të përhapur përmbajtje të paligjshme dhe dezinformata në Bashkimin Evropian, tha se ekipi i tij do të analizonte përgjigjen e Yaccarino dhe do të vendoste për hapat e ardhshëm, raporton agejncia e lajmeve pbs.org

Ligji i ri i Shërbimeve Digjitale (DSA) kërkon që platformat kryesore në internet, përfshirë X dhe Facebook të Meta, të bëjnë më shumë për përmbajtjen e paligjshme dhe të ndërmarrin veprime për të hequr rreziqet për sigurinë publike dhe ligjërimin civil.X rialokoi burimet dhe rifokusoi ekipet e brendshme për t’iu përgjigjur situatës me zhvillim të shpejtë, tha Yaccarino. Ajo shtoi se kompania mblodhi një ekip për të vlerësuar situatën menjëherë pas sulmit të Hamasit.

“Ne mirëpresim angazhimin e mëtejshëm me ju dhe ekipin tuaj, duke përfshirë një takim, për të adresuar çdo pyetje specifike dhe mezi presim të marrim detaje shtesë për t’iu përgjigjur”, shkroi Yaccarino në një letër drejtuar Bretonit, siç raportohet nga X.

X i është përgjigjur më shumë se 80 kërkesave për heqjen e përmbajtjes të marra në BE brenda afatit të caktuar dhe nuk ka marrë asnjë njoftim nga Europol në lidhje me përmbajtje të paligjshme në platformë, thuhet në letër.

Të mërkurën, Bretoni lëshoi një paralajmërim të ngjashëm për Meta. Ai i kërkoi kompanisë që ta informonte brenda 24 orëve për masat e marra për të kundërshtuar përhapjen e dezinformatave në platformat e saj pas sulmit ndaj Izraelit.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46