Romarjo Alliaj dhe biznesmeni i ndërtimit Arben Veliko të arrestuar para dy ditësh pasi inskenuan një atentat me armë zjarri janë lënë në burg sot nga gjykata e Vlorës. Gjyqtarja Herila Çela pranoi kërkesën e prokurorit Alfred Sali duke mos marrë parasysh kërkesën e avokatit për një masë më të lehtë. Ndaj tyre rëndojnë akuzat "Kallëzim i rremë","Mbajtje pa leje e armëve luftarake dhe municionit" dhe "Largim nga vendi i ngjarjes".
Por, në momentin që kanë dalë para gjyqtares bashkë me të riun me pranga në duar, biznesmeni Veliko ka kërcënuar gazetarët. "Hajde se ju llafos unë kur të dal. Plehra" ishin fjalët e tij kundër gazetarëve dhe operatorëve që po filmonin. Madje në një moment ai ka tentuar që të qëllojë në drejtim të tyre, ndërsa është dashur ndërhyrja e policisë për të normalizuar situatën, e cila ishte e tensionuar deri kur mediat dolën nga salla.
Shqiptarja.com zbardhi sot arsyen e inskenimit të atentatit pak javë më parë. Shtyrja e disa borxheve financiare nga ndërtuesi i pallateve në Vlorë, Arben Veliko, bëri që Romarjo Alliaj të bënte një rol filmi, për inskenimin e kësaj ngjarjeje kriminale, sikur Alliaj të ishte personi i qëlluar me armë.
Kjo do ti shërbente më pas Alliajt dhe Velikos që të largoheshin nga Shqipëria dhe të kërkonin azil politik në një nga vendet e Bashkimit Europian.
Kjo intrigë e vënë në jetë në film aksion mes dy vlonjatëve është bërë në datën 12 maj 2019, në autostradën Vlorë-Fier, ku u qëllua me armë zjarri automjeti, por pas disa javësh ngjarja u zbardh dhe inskenuesit u arrestuan.
Romarjo Alliraj fillimisht është ndaluar në datë 1 qershor të këtij viti pasi shkeli rregullat e qarkullimit duke u lënë më pas në arrest shtëpie, masë të cilën e theu për t'u prangosur sërish pas dy ditësh, pasi u zbardh ngjarja.
Komente
Lajme të tjera
-
Intrigë si 'Babale'/ Inskenuan atentatin për të shmangur borxhet, burg dy vlonjatëve
28 Korrik 2020, 17:29
50 metra e ka shpin nga babalja ben mashtrusi.Topanaja mban vendin e par ne bote per intrigante dhe mashtrusa
PërgjigjuTe tregohet dhe arsyeja e acarimit te te pandehurt ! Perse A.V reagon ne ate menyre, cfare e ka nxitur aq shume ?! Perse seanca gjyqesore u be e mbyllur per te afermit dhe lejoi gazetaret te ishin prezent ? R.A perse u arestua se bashku me A.V kur ai ishte me arest shtepie, kaq kohe perse nuk ishte kapur ne flagranc shtetasi R.A ?
Përgjigju