POP 5

Lajmet më të lexuara të 5 minutave të fundit

Sociale

Plehrat e Tepelenës dhe Memaliajit kërcënim për Parkun Kombëtar të Vjosës! Bashkitë: Presim ndërtimin e landifillit të ri në Delvinë

Mbeturinat urbane të Tepelenës dhe Memaliaj vazhdojnë të hidhen pranë shtratit të lumit Vjosa, shpallur Park Kombëtar nga qeveria dy javë më parë. Bashkitë janë dorëzuar para emergjencës mjedisore, ndërsa presin ndërtimin e landfillimit të ri në e Bajkaj të Delvinës.

Në vend-depozitimin e mbetjeve urbane pranë rrjedhës së Vjosës jo vetëm ushqehen derrat por mund të hyjë lirshëm kushdo, shpeshherë duke u vënë flakën.

“Po këtu digjen gjithmonë plehrat dhe shpërndahen deri në lum”, tha banori i zonës.

Volumi i mbetjeve urbane është aq i madh saqë kalon rrethimin e vend-depozitimit duke përfunduar në lumë. Nga Bashkia e Tepelenës nuk ka plan emergjence, pasi pritet që këto mbetje ashtu sikurse të gjithë Qarkut të Gjirokastrës, të trajtohen në të ardhmen në landfillin e Bajkaj në Delvinë.

“Ne nuk e dimë se kur do të nisë depozimi i plehrave në landfillit të ri sepse është një projekti i qeverisë”, tha Besiana Xhafaj specialiste e mjedisit Bashkia Tepelenë.

Më kritike situata është në Memaliaj. Këtu nuk egziston rrethimi. Vend-depozitimi ndodhet gati 200 metra nga rrjedha e Vjosës. Firma që merret me grumbullimin dhe depozitimin e mbetjeve, nuk ka respektuar aspak elementët e sigurisë dhe të trajtimit të tyre.

Në katër bashki qe prek ky lumë i egër, dy prej tyre ende vijojnë të trajtojnë mbeturinat pranë shtratit të Vjosës. Ndërsa në Bashkinë e Përmetit, vendgrumbullimi i trajtimit të mbetjeve urbane është transferuar në Piskovë, pranë një tjetër lumi që derdhet në Vjosë.

Ndonëse trajtimi i mbetjeve për Bashkinë e Përmetit bëhet i organizuar, sërish pranë shtratit të tij hidhen ende mbeturina, siç shihet në pamjet e Report Tv xhiruar në rrugën drejt Lëshicës. Ndërsa në Këlcyrë Bashkia i trajton mbetjet më larg rrjedhës së Vjosës në një vendgrumbullim të përkohshëm.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bim: 01/04/2023 07:43

    Na mungojn attivista qe shkruajn bravo, super, numer 1 ne botte, ku jeni ??

    Përgjigju
  • toni: 01/04/2023 01:23

    nuk behet puna me landfille,,,ne gjirokaster dhe permet duhet te kete 2 inceneratore,,,dhe plastika ,letra,qelqi,,metalet, duhet te riciklohen...

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Pasojat që do t’i kishte Serbia nga sanksionimi i industrisë së naftës

Pasojat që do t’i kishte Serbia nga sanksionimi i industrisë së naftës

10 Janar, 13:02