POP 5

Lajmet më të lexuara të 5 minutave të fundit

Ekonomi

Sponsorizimi i sportit favorizon biznesin e madh

Në rast se një subjekt financon me 10 milionë lekë një ekip sportiv, ai do të shmangë nga taksat 3-fishin e kësaj shifre. Pra, nuk do të paguajë tatimin prej 15 përqindësh për 30 milionë lekë.

Kompanitë e mëdha, me një xhiro vjetore të deklaruar prej më shumë se 100 milionë lekësh, mund të përfitojnë nga lehtësimi prej taksave, në rast se sponsorizojnë ekipe sportive.

Sipas një projektligji të depozituar në Kuvend, “Për personat juridikë, të cilët realizojnë fitim vjetor të tatueshëm mbi 100 milionë lekë, shumat e sponsorizuara për veprimtaritë e ekipeve sportive, pjesë të federatave sportive të njohura, për efekt të përllogaritjes së tatimit mbi fitimin e periudhës tatimore, janë të zbritshme sa trefishi i vlerës së shumës së sponsorizuar”.

Në këtë mënyrë, në rast se një subjekt financon me 10 milionë lekë një ekip sportiv, ai do të shmangë nga taksat 3-fishin e kësaj shifre.  Pra, nuk do të paguajë tatimin prej 15 përqindësh për 30 milionë lekë.

Ky është një përjashtim i ri fiskal në favor të sporteve, por që njëkohësisht mund të konsiderohet si selektiv, duke qenë se lejon një gjë të tillë vetëm për kompanitë e mëdha.

Përjashtimi nga taksat ekziston në ligjin shqiptar edhe për veprimtari të tjera, si kultura, apo organizata të ndryshme, por mbulon vetëm sasinë e financuar nga subjektet në masën 100 për qind.

Ndërkohë, për sportin duket se bëhet një favorizim i dukshëm, duke qenë se shifra trefishohet.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, një avion me 64 pasagjerë në bord përplaset me një helikopter ushtarak në Uashington, ka viktima

SHBA, një avion me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16