Pneumoni misterioze tek fëmijët, OBSH kërkon informacion nga Kina

Pneumoni misterioze tek fëmijët, OBSH kërkon informacion nga Kina

Një grua kineze me maskën e Covid-19 në Kinë

Organizata Botërore e Shëndetësisë (OBSH) i ka kërkuar Kinës të japë informacion të detajuar mbi rritjen e sëmundjeve të frymëmarrjes dhe shpërthimeve të pneumonisë të raportuara tek fëmijët.

Kjo gjë vjen pasi Komisioni Kombëtar i Shëndetësisë në Pekin, në një konferencë për shtyp më 13 nëntor, raportoi për një rritje të fenomenit në vend, raporton La Repubblica.

Agjencia shëndetësore e OKB-së, në një njoftim tha se autoritetet kineze ia atribuojnë rritjen e rasteve të heqjes së kufizimeve anti-Covid dhe qarkullimit të patogjenëve si gripi, mycoplasma pneumoniae (një infeksion bakterial i zakonshëm që prek fëmijët më të vegjël), të frymëmarrjes, virusi sincicial dhe virusin që shkakton Covid-19..

Për më tepër, autoritetet kineze kanë theksuar nevojën për të forcuar mbikëqyrjen në objektet dhe komunitetet shëndetësore, si dhe forcimin e kapaciteteve menaxhuese të sistemit shëndetësor.

OBSH tha se Kina veriore ka raportuar një rritje të sëmundjeve të ngjashme me gripin në krahasim me të njëjtën periudhë në tre vitet e mëparshme.

Ata janë në pritje të informacionit të mëtejshëm, pasi agjencia rekomandoi ndjekjen e masave më të përshtatshme për të reduktuar rrezikun e infektimit, bazuar në vaksinën, distancën nga personat e sëmurë, izolimet në rast infeksioni, analizat dhe trajtimet mjekësore.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Të padëgjuar dhe të përjashtuar: Konsultimet publike për ujësjellësin e Himarës

Të padëgjuar dhe të përjashtuar: Konsultimet publike për ujësjellësin e Himarës