Kitaristi i grupit Eagles, Glenn Frey, ka ndërruar jetë në moshën 67-vjeçare. Ai prej kohësh vuante nga pneumonia. Rockeri i hitit “Hotel California” ndërroi jetë në Nju Jork.
 
“Fjalët nuk mund të përshkruajnë pikëllimin tonë dhe as dashurinë dhe respektin për të gjitha ato që ai i ka dhënë për ne”, ka thënë familja dhe anëtarët e tjerë të grupit përmes një deklarate.

 
Eagles ka qenë njëri nga grupet më të suksesshme në vitet 1970. Kënga Hotel California ka qenë ndër hitet më të famshme të grupit.
 
Eagles ka shitur mbi 150 milionë albume në gjithë botën.