'Po bashkëpunon me Suel Çelën, Rrahman Rrajën e Tom Doshin', Berisha hesht ndaj akuzave të Bashës: Po mos të ishte foltorja, do preferonte të rrinte 80 vite në opozitë

 

Me heshtje i është 'përgjigjur' Sali Berisha akuzave të Lulzim Bashës se po bashkëpunon me Aqif Rakipin, Suel Çelën, Rrahman Rrajën dhe Tom Doshin, emra që PD-ja i ka sulmuar si të korruptuar e të lidhur me krimin. Në një konferencë për shtyp, Berisha nënqeshi në momentin që u pyet për akuzat e Bashës, por pa dhënë një përgjigje. Ai nuk ngurroi të sulmonte Bashën, duke thënë se nëse nuk do të ishte për foltoren, kryedemokrati do të preferonte të rrinte 80 vite në opozitë.

"Pengkryetarit i them se shitja që i ke bërë shpirtit tënd është vepër e jotja jo e demokratëve. Nuk janë demokratët që kanë ndërtuar dosjen e pengmarrjes tënde. I them se ke që nga shtatori dhe gjer sot i ndryrë brenda katër mureve, nuk ke takuar dot anëtarë, madje as qytetarë pa parti sepse nuk është kollaj që këta të fundit t'i japin dorën një të pabesi, nuk është kollaj që anëtarët të ulen e të arsyetojnë me një njeri që pas 8 viteve nuk premton gjë tjetër vetëm po të ketë jetë dhe po të mos ishte foltorja e demokratëve, do të preferonte të rrinte nja 80 vite në opozitë, por foltorja po e nxjerrë mënjanë. Basha ka rikthyer format më totalitare në PD. E gjithë kryesia, e gjithë vendimmarrja përfundon në xhep të kryetarit. U kërkoj njerëzisht natarëve të PD që për dinjitetin e tyre nuk duhet të pranojnë karrige në shkelje flagrante të kushtetutës së PD", tha Berisha.

LEXO EDHE:
Jakin Marena: Dorëheqja e Biden dhe ... ‘thonjtë’ e Berishës në ‘fytin’ e PD

Lajmi kryesor:

Berisha hesht kur pyetet për Suel Çelën dhe Aqif Rakipin, s'lëkundet nga 11 dhjetori për Kuvendin Kombëtar: Data 18 dhjetor u caktua nga Rama! Basha: Asnjë qelizë e trurit tim s'e kupton pse s'reagon

/KT/Shqiptarja.com

TAG:
• lulzim basha
• sali berisha
• perplasja berisha basha