POP 5

Lajmet më të lexuara të 5 minutave të fundit

Sport

'Po bëhem gati për garat ndërkombëtare', Gega e papërmbajtshme në Kupën e Atletikës! Në Shkodër shkëlqen Vllaznia

Në garat e Kupës së atletikës të zhvilluara në Shkodër Luiza Gega ka bërë një paraqitje brilante duke përmirësuar me 15 sekonda rekordin kombëtar. Sportistja u shpreh e lumtur për këtë arritje, ndërsa në Shkodër iu gëzuan performancës tepër pozitive të ekipit të Vllaznisë.

Luiza Gega ka rezultuar edhe njëherë ylli i Kupës së Republikës në atletikë, duke shkëlqyer në garën e 5000 metrave dhe për rrjedhojë duke vendosur një tjetër rekord kombëtar.

“Jam e lumtur që kam vendosur të ri në Shkodër, në garën e 500 metrave. Edhe rekordi i mëparshëm mbahej po nga unë, por që sot e theva me 15 sekonda më mirë. Doja të shikojë edhe formën time aktuale fizike sepse këtë vit jemi të mbushur me aktivitete,”-u shpreh Luiza Gega, atlete.

Në kupën e republikës të zhvilluar të martën në ‘Loro Boriçi’ dominoi ekipi i Vllaznisë ku përveç atletit Franko Burraj shkëlqeu edhe Leandro Çardaku në 100 metra për U-20, si dhe Myrtollari për vajza që vendosën rekorde kombëtare.

“Nuk e prisja me thënë të drejtën se do isha kaq mirë edhe pse kam bërë stërvitje shumë për këtë ditë, për të dalë i pari. Gjithsesi shpresoj se kam dhënë më të mirën time,”-tha Leoandro Çardaku, atlet.

“Synimet e mija janë shumë të mëdha. Besoj se do vendos edhe rekorde të tjera, sidomos tek të rriturat,”-u shpreh Elisa Myrtollari.

Më i pafat në këto gara ishte kampioni i Ballkanit Izimir Smajlaj, i cili pësoi lëndim, ndërsa përsa i përket aktivitetit ishte hera e parë pas 30 vitesh që zhvillohet në Shkodër, kjo për shkak të rikonstruksionit të pistës.

“Stadiumi i Shkodrës është model. Ne mendojmë që këtu most ë zhvillojmë vetëm Kupë Republike dhe kampionat kombëtar, por për shkak të marrëdhënieve që kanë drejtuesit e federatës të organizojmë edhe gara ndërkombëtare,”-tha Fidel Ylli, president i KOKSH-it.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu