AUSTRI- Të paktën 10 persona u zunë nga një ortek të dielën pranë fshatrave malore Lech dhe Zurs në Austri, teksa ishin duke bërë ski. Raportohet se 8 persona janë arritur të shpëtohen deri më tani, ndërsa vijojnë kërkimet dhe për dy të tjerët. Lajmi u bë i ditur në një deklaratë nga agjencia shtetërore e shtypit Austriak.
Një operacion kërkimi- shpëtimi është duke u zhvilluar me më shumë se 100 persona të përfshirë, duke përfshirë qen kërkimi orteku dhe helikopterë.
Lech/Zuers njihet si një nga zonat më të mira të skive në botë dhe është pjesë e djepit të skive alpine. Pas ngjarjes, nga faqja e internetit e resortit u njoftua se zona e skive ishte e mbyllur që nga ora 17:00 me orën lokale të së dielës dhe se do të kishte një njoftim të dytë në orën 8 të mëngjesit të së hënës.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)