Komunikimi në çift, qoftë dhe ai me mesazhe është puna juaj dhe ne nuk duam të ndërhyjmë aspak. Por disa këshilla të nevojshme që po bezdisin partnerin dhe ju nuk i keni kuptuar ende, nuk mund t’i anashkalojmë. Me siguri në ndonjë prej tyre ju gjeni veten.
I dërgon vazhdimisht mesazhe
Mos dërgo 10 mesazhe brenda 1 minute, ndërkohë që të gjitha ato që do të thuash mund t’i përmbledhësh vetëm në një, edhe pse në formë romani.
I shkruan fjalët me germa KAPITALE
Një mesazh miqësor, apo edhe më shumë, është më i përshtatshëm kur shkruhet me gërma të vogla. Sepse nëse përdor germa kapitale, e bën tjetrin të mendojë që dëshiron të tregosh karakterin tënd sundues.
E korrigjon
Ndoshta ai shkruan me shpejtësi, ndoshta nuk është perfekt në drejtshkrim etj. Në çdo rast, nëse shikon gabime drejtshkrimore, kaloi dhe mos ia përmend. Djemtë e kanë bezdi këtë pjesë (ufff, edhe pse, dreqin, nuk shkruajnë kurrë si duhet.)
Emoji, emoji, emoji
Të gjithë janë të entuziazmuar me emoji-t, por nuk është nevoja ta mbushësh çdo mesazh me zemra, figura, simbole etj.
I dërgon mesazh, pot flet me veten
Ti i dërgon një mesazh-monolog, por je e sigurt që ai lexon nga rreshti i pestë e poshtë. Sa më shumë t’i shkruash, aq më pak lexon… e shumë më pak kupton.
